Adnabod y ‘Duw anhysbys’: Actau 17 (29 Gorffennaf 2020)

Gweddi

Arglwydd, agor fy nghlustiau i glywed yr hyn sydd gennyt i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.

Darllen

Barnwyr 13 Actau 17 Jeremeia 26 Marc 12

Myfyrdod Dyddiol: Actau 17

Yn Actau 17, mae Paul yn teithio i Athen a thra yn yr Areopagus mae’n sylwi ar gysegriad ‘I Dduw Anhysbys’. Yr hyn y mae wedyn yn ei gyhoeddi i’w wrandawyr yw bod y Duw y mae’n ei adnabod yn un personol, na chafodd ei wneud gan ddwylo dynol.

Mae rhoi anrhydedd i dduw anhysbys yn cael ei gymell gan ymdeimlad o ddyletswydd ddatgysylltiedig – roedd y bobl wedi ei roi yno i yswirio eu hunain yn erbyn digofaint duw nad oedden nhw’n sicr o’i hunaniaeth. Mewn cyferbyniad, dywed Paul mai plant Duw ydym ni, gyda mynediad at yr agosatrwydd a’r ymddiriedaeth sydd gan blant gyda’u rhieni. Mae Paul yn gwneud y pwynt, gan ein bod yn blant i Dduw, y dylem ddisgwyl ein bod yn adlewyrchu ein crëwr yn hytrach nag y gallai fod yn rhywbeth y gallai dwylo dynol fod wedi’i greu.

Fodd bynnag, gallwn ninnau hefyd deimlo fel ein bod yn mynd trwy’r defodau wrth wneud pethau i blesio Duw nad ydym yn ei adnabod mewn gwirionedd yn hytrach na chael perthynas ag ef. Weithiau, rydym yn mynd i’r eglwys ac yn dilyn trefn heb dreulio amser gyda Duw mewn gwirionedd. Fel arall, mae’n bosibl y gallwn weithiau ddrysu ein Duw dad â duw sy’n cael ei wneud ar ein delwedd ein hunain. Mae hyn yn digwydd pan fyddwn yn dibynnu gormod ar ein syniadau ein hunain am Dduw neu ar ein gwerthoedd ein hunain y credwn y dylai fod gan Dduw hefyd. Trwy ddarllen yr Ysgrythur gallwn dreulio amser yn fwriadol yn dod i adnabod Duw wrth iddo ddatgelu ei hun.

Gweddi

Annwyl Dduw, diolch iti am wneud dy hun yn hysbys i ni ac eisiau cael perthynas â ni. Helpa fi i agosáu atat a darganfod mwy amdanat wrth imi dyfu mewn ffydd.