Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Llonydda fy meddwl, Arglwydd, a gad imi dy glywed.
Wrth i’r byd fynd i’r afael â’r coronafeirws, rydym yn darganfod efallai na fydd brechiad hyd yn oed yn gwarantu imiwnedd parhaol. Yn arwain at ddarlleniad heddiw, mae’r apostol Paul yn tynnu sylw at genhedlaeth Exodus: nid wnaeth hyd yn oed hwb ysbrydol Duw yn eu hymwared o rym yr Aifft, eu gwneud yn imiwn i eilunaddoliaeth yn yr hirdymor.
Aiff Paul ymlaen i gysylltu stori Exodus â Swper yr Arglwydd. Mae’n rhybuddio Cristnogion yng Nghorinth rhag dathlu cymun un diwrnod ac ymuno mewn defodau paganaidd gan gynnwys bwyta cig a aberthwyd i eilunod drannoeth: ‘Dydy hi ddim yn iawn i chi yfed o gwpan yr Arglwydd ac o gwpan pwerau cythreulig ar yr un pryd. Allwch chi ddim bwyta wrth fwrdd yr Arglwydd ac wrth fwrdd cythreuliaid’ (adnod 21).
Byddai Paul wedi bod yn hapus i brynu cig o farchnad, heb boeni pe bai paganiaid wedi ei ladd yn ddefodol. Ond pe bai rhywun wedi cynnig cig iddo fel gwahoddiad i ymuno mewn addoliad eilunod byddai wedi gwrthod. Yn yr un modd, mae cydbwysedd da rhwng ymgolli yn niwylliant heddiw a gwybod pryd i gymryd safiad neu ddweud na.
Arglwydd, rho imi’r doethineb a’r nerth i fod yn y byd, ond nid o’r byd.
Ysgrifennwyd y myfyrdod hwn gan Michael Pfundner, Rheolwr Cefnogi Cyhoeddi Cymdeithas y Beibl
Read the Bible 
Processing...