Llyfr rhybuddion: Amos 1.3–15 (11 Tachwedd 2020)

Gweddi

Arglwydd, agor fy nghlustiau i glywed yr hyn sydd gen ti i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.

Darllen

2 Brenhinoedd 25 Hebreaid 7 Amos 1 Salm 144

Myfyrdod Dyddiol: Amos 1.3–15

Llyfr rhybuddion yw Amos. Yn ei bennod gyntaf cawn wybod am rybuddion barn ar y cenhedloedd o amgylch Israel. Efallai y bydd hyn yn ein harwain i ofyn, pam mae Duw yn rhoi dyfarniadau ar y cenhedloedd?

Mae gan Dduw safon uchel o gyfiawnder y mae’n disgwyl iddo gael ei gynnal. Os na all rhywun sy’n ceisio bod yn dda wylio anghyfiawnder yn digwydd, ni all Duw da adael i ddrwg redeg yn rhemp yn ei greadigaeth. Roedd Duw bob amser yn anfon proffwydi i rybuddio’r bobl fod barn yn dod iddynt fel y gallent gywiro eu hunain. Byddai’r proffwydi hyn, fel Amos, yn dod o Israel neu Jwda, gan fod gan yr Hebreaid berthynas arbennig â Duw.

Roedd Israel yn meddwl y byddai barn Duw yn dod ar ffurf cosb ar ei holl elynion. Mae pennod gyntaf Amos yn wir yn rhybudd i’r rhai sy’n elynion i Israel, ond fel y gwelwn ni, mae’r rhybuddion a roddir i’r cenhedloedd hyn yn fyr iawn o’u cymharu â’r hyn a ddywedir wrth Israel ei hun. Mae pob paragraff yn y bennod gyntaf yn rhoi manylion y pethau drwg y mae’r cenhedloedd wedi’u gwneud, ac yn cyfeirio at y perthnasoedd hanesyddol y mae’r cenhedloedd eraill wedi’u cael ag Israel. Er enghraifft, wrth siarad am Edom, mae’r testun yn cyfeirio at stori Jacob, sylfaenydd Israel, ac Esau, sylfaenydd Edom, a oedd yn frodyr. Dywed Amos fod Edom wedi bradychu ei frawd, ac felly nad oedd wedi anrhydeddu’r perthynas rhyngddynt.

Gweddi

Annwyl Arglwydd, diolchaf i ti dy fod, trwy’r Ysbryd Glan yn gweithredu ar fy nghydwybod, yn fy helpu i sylweddoli’r camgymeriadau yr wyf yn eu gwneud a dy fod yn drugarog wrth fy helpu i’w gwneud yn iawn. Helpa fi i anrhydeddu’r perthynas sydd gen i gydag aelodau fy nheulu ac i wneud yn iawn yn dy lygaid di.