Mebyon Yakob

1An re ma yw mebyon Ysrael: Rewben, Simeon, Levi, Yuda, Yssakar Zebulun, 2Dan, Yosep, Benyamin, Naftali, Gad, hag Asher. 3Mebyon Yuda: Er, Onan, ha Shela: an tri ma a veu genys dhodho a vyrgh Shua an Gananyades. Er, kynsa-genys Yuda, a veu drog yn golok an Arloedh, ytho ev a'n ladhas. 4Tamar y wohydh a dhineythis dhodho Peres ha Zeragh. Oll mebyon Yuda o pymp.

5Mebyon Peres: Hesron ha Hamul. 6Mebyon Zeragh: Zimri, Ethan, Heman, Kalkol ha Dara, i oll o pymp. 7Mebyon Karmi: Akar, neb a dhros anfeus war Ysrael ow terri an volleth. 8Mab Ethan: Azaria.

9Mebyon Hesron hag a veu genys dhodho: Yerahmeel, Ram, ha Kelubay. 10Ram a dhineythis Amminadab hag Amminadab a dhineythis Nahshon, pennsevik mebyon Yuda. 11Nahshon a dhineythis Salma, ha Salma a dhineythis Boaz. 12Boaz a dhineythis Obed, hag Obed a dhineythis Yesse. 13Yesse a dhineythis y gynsa-genys Eliab, Abinadab an nessa, Shimea an tressa, 14Nethanel an peswora, Radday an pympes, 15Osem an hweghves, Davydh an seythves; 16aga hwerydh o Seruya hag Abigayl. Mebyon Seruya: Abishay, Yoab hag Asahel, tri. 17Abigayl a dhineythis Amasa, ha tas Amasa o Yether, an Yshmaelyas.

18Kaleb mab Hesron a dhineythis Yerioth a Azuba y wreg, ha tri mab: Yesher, Shobab hag Ardon. 19Pan verwis Azuba, Kaleb a dhemmedhis Efrath neb a dhineythis dhodho Hur. 20Hur a dhineythis Uri, hag Uri a dhineythis Besalel.

21A-wosa, Hesron, pan o tri-ugens bloedh, eth a-ji dhe vyrgh Makir tas Gilead. Ev a's kemmeras, ha hi a dhineythis dhodho Segub. 22Segub a dhineythis Yair a'n jevo teyr sita warn ugens yn pow Gilead. 23Mes Geshur hag Aram a gemmeras anedha Havvoth-yair, ha Kenath ha'y threvow, tri-ugens tre. Oll an re ma o mebyon Makir, tas Gilead. 24Wosa mernans Hesron, Kaleb eth dhe Efratha; hag Abia, gwedhwes Hesron, a ros dhodho mab, Ashhur, tas Tekoa.2:24: Ow siwya an Septuagint.

25Mebyon Yerahmeel, kynsa-genys Hesron: Ram an kynsa-genys, Buna, Oren, Osem hag Ahiya. 26Yerahmeel a'n jevo gwreg arall ynwedh ha'y hanow o Atara; hi o mamm Onam. 27Mebyon Ram, kynsa-genys Yerahmeel: Maaz, Yamin hag Eker. 28Mebyon Onam: Shammay ha Yada. Mebyon Shammay: Nadab, hag Abishur. 29Hanow gwreg Abishur o Abihayl ha hi a dhineythis dhodho Aghban ha Molid. 30Mebyon Nadab: Seled hag Appaym; Seled a verwis heb fleghes. 31Mebyon Appaym: Yshi. Ha mebyon Yshi: Sheshan. Mebyon Sheshan: Aghlay. 32Mebyon Yada broder Shammay: Yether ha Yonathan; Yether a verwis heb fleghes. 33Mebyon Yonathan: Peleth ha Zaza. An re ma o henedh Yerahmeel. 34Lemmyn, Sheshan ny'n jeva mebyon, mes myrghes. Sheshan a'n jevo kethwas ejyptek, Yarha y hanow. 35Ytho Sheshan a ros y vyrgh yn demmedhyans dhe Yarha y gethwas, ha hi a dhineythis dhodho Attay. 36Attay a dhineythis Nathan ha Nathan a dhineythis Zabad. 37Zabad a dhineythis Eflal, hag Eflal a dhineythis Obed. 38Obed a dhineythis Yehu ha Yehu a dhineythis Azaria. 39Azaria a dhineythis Heles, ha Heles a dhineythis Elasa. 40Elasa a dhineythis Sismay ha Sismay a dhineythis Shallum. 41Shallum a dhineythis Yekamia, ha Yekamia a dhineythis Elishama.

42Mebyon Kaleb, broder Yerahmeel: Mesha y gynsa-genys, neb o tas Zif; ha Maresha, tas Hebron.2:42: Amendys. 43Mebyon Hebron: Koragh, Tappuagh, Rekem ha Shema. 44Shema a dhineythis Raham, tas Yorkeam; ha Rekem a dhineythis Shammay. 45Mab Shammay: Maon ha Maon o tas Beth-sur. 46Efa, iswreg Kaleb, a dhineythis dhodho Haran, Mosa, ha Gazez. Haran a dhineythis Gazez. 47Mebyon Yahday: Regem, Yotham, Geshan, Pelet, Efa ha Shaaf. 48Maaka, iswreg Kaleb, a dhineythis Sheber ha Tirhana. 49Hi a dhineythis ynwedh Shaaf, tas Madmanna, ha Sheva tas Makbena ha Gibea. Myrgh Kaleb o Aksa. 50An re ma o mebyon Kaleb. Mebyon Hur, kynsa-genys Efratha: Shobal tas Kiryath-yearim, 51Salma tas Bethlehem, ha Haref tas Beth-gader. 52Shobal tas Kiryath-yearim a'n jevo mebyon erell: Haroe ha hanter an Manahathysi. 53Kordhow Kiryath-yearim: an Ythrysi, an Puthysi, an Shumathysi, ha'n Mishraysi; dhiworta a dheuth an Sorathysi ha'n Eshtaolysi. 54Mebyon Salma: Bethlehem, an Netofathysi, Atroth-beth-yoab ha hanter an Manahathysi, an Sorysi. 55Kordhow skribys trigys yn Yabes: an Tirathysi, an Shimeathysi ha'n Sukathysi. An re ma o an Kenysi, devedhys a Hammath, tas an Rekabysi.