Menestrouthi an Tempel

1Davydh ha hembrenkysi an lu a settyas a-denewen ynwedh rag servis re a vebyon Asaf, Heman, ha Yeduthun, dhe brofoesa gans sowtris, telynnow ha symbalys. Rol an wre a wre an servis rag an ober ma o: 2A vebyon Asaf: Zakkur, Yosep, Nethania, hag Asarela. Mebyon Asaf o yn-dann gevarwoedh Asaf neb a brofoesa yn-dann gevarwoedhyans an myghtern. 3A vebyon Yeduthun: Gedalia, Seri, Yeshaia, Shimei,25:3 Shimei: Ow siwya an Septuagint. Nyns usi an hanow ma y'n tekst ebrow. Hashabia ha Mattithia, an hwegh ma yn-dann aga thas Yeduthun, neb a brofoesa gans an sowtri, ow kodhvos gras ha gormel dhe'n Arloedh. 4A vebyon Heman: Bukkia, Mattania, Uzziel, Shebuel, Yerimoth, Hanania, Hanani, Eliatha, Giddalti, Romamti-ezer, Yoshbekasha, Mallothi, Hothir, ha Mahazioth. 5Oll an re ma o mebyon Heman, gwelesydh an myghtern, war-lergh ambos Dhuw dh'y ughelhe; rag Duw re rosa dhe Heman peswardhek mab ha teyr myrgh. 6Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern. 7Aga niver, war-barth gans aga breder, dyskys yn kana dhe'n Arloedh, o dew kans, eth ha peswar ugens. 8I a dewlis prennyer rag aga deverow, byghan ha bras, dyskador ha dyskybel kekeffrys.

9An kynsa prenn a goedhas rag Asaf dhe Yosep; an nessa dhe Gedalia, ev ha'y vreder ha'y vebyon, dewdhek; 10an tressa dhe Zakkur, y vebyon ha'y breder, dewdhek; 11an peswora dhe Ysri, y vebyon ha'y vreder, dewdhek; 12an pympes dhe Nethania, y vebyon ha'y vreder o dewdhek; 13an hweghves dhe Bukkia, y vebyon ha'y vreder, dewdhek; 14an seythves dhe Yesarela, y vebyon ha'y vreder, dewdhek; 15an ethves dhe Yeshaia, y vebyon ha'y vreder, dewdhek; 16an nawves dhe Mattania, y vebyon ha'y vreder, dewdhek; 17an degves dhe Shimei, y vebyon ha'y vreder, dewdhek; 18an unnegves dhe Azarel, y vebyon ha'y vreder, dewdhek; 19an dewdhegves dhe Hashabia, y vebyon ha'y vreder, dewdhek; 20an trydhegves dhe Shubael, y vebyon ha'y vreder, dewdhek; 21an peswardhegves dhe Mattithia, y vebyon ha'y vreder, dewdhek; 22an pymthegves dhe Yeremoth, y vebyon ha'y vreder, dewdhek; 23an hwetegves dhe Hanania, y vebyon ha'y vreder, dewdhek; 24an seytegves dhe Yoshbekasha, y vebyon ha'y vreder, dewdhek; 25an etegves dhe Hanani, y vebyon ha'y vreder, dewdhek; 26an nownsegves dhe Mallothi, y vebyon ha'y vreder, dewdhek; 27an ugensves dhe Eliatha, y vebyon ha'y vreder, dewdhek; 28an kynsa warn ugens dhe Hothir, y vebyon ha'y vreder, dewdhek; 29an nessa warn ugens dhe Giddalti, y vebyon ha'y vreder, dewdhek; 30an tressa warn ugens dhe Mahazioth, y vebyon ha'y vreder, dewdhek; 31an peswora warn ugens dhe Romamti-ezer, y vebyon ha'y vreder, dewdhek.