Mebyon Yuda

1Mebyon Yuda: Peres, Hesron, Karmi, Hur ha Shobal. 2Reaya mab Shobal a dhineythis Yahath, ha Yahath a dhineythis Ahumay ha Lahad. An re ma o kordhow an Sorathysi. 3Mebyon Etam: Yezreel, Yshma hag Ydbash, ha hanow aga hwoer o Haselelponi, 4Penuel neb o tas Gedor, Ezer neb o tas Husha. An re ma o mebyon Hur: Efratha an kynsa-genys, tas Bethlehem. 5Ashhur, tas Tekoa, a'n jevo diw wreg, Hela ha Naara. 6Naara a dhineythis dhodho Ahuzzam, Hefer, Temeni, ha Ha-ahashtari. An re ma o mebyon Naara. 7Mebyon Hela: Sereth, Yshar hag Ethnan. 8Kos a dhineythis Anub, Sobeba, ha kordhow Aharhel mab Harum. 9Yabes o moy enoradow es dell o y vreder; ha'y vamm a'n henwis Yabes, ow leverel, ‘Drefenn my dh'y dhineythi yn payn.’ 10Yabes a elwis war Dhuw Ysrael, ow leverel, ‘Unnweyth a kwrelles ow benniga ha moghhe ow oryon, hag a pe dha leuv genev ha'm gwitha dhiworth drog, may fen heb payn.’ Ha Duw a wrontyas an pyth a wovynnas. 11Kelub, broder Shuha, a dhineythis Mehir neb o tas Eshton. 12Eshton o tas Bethrafa, Paseagh, ha Tehinna tas Irnahash. An re ma o gwer Reka. 13Mebyon Kenaz: Othniel ha Seraya. Mebyon Othniel: Hathath. 14Meonothay a dhineythis Ofra; ha Seraya a dhineythis Yoab tas Ge-harashim, henwys yndella rag aga bos kreftoryon. 15Mebyon Kaleb mab Yefunne: Iru, Ela, ha Naam. Mab Ela: Kenaz. 16Mebyon Yehallelel: Zif, Zifa, Tirya, hag Asarel. 17Ezra a'n jevo peswar mab: Yether, Mered, Efer ha Yalon. Mered a dhemmedhis Bithia, myrgh Faro, hag i a's tevo myrgh, Miryam, ha dew vab, Shammay hag Yshba. Yshba o tas Eshtemoa. 18Mered a dhemmedhis ynwedh benyn dhiworth loeth Yuda hag i a's tevo tri mab: Yered tas Gedor, Heber tas Soko, hag Yekuthiel tas Zanoagh. 19Mebyon y wreg Hodia hwoer Naham o Dalia tas Keila an Garmyas, hag Eshtemoa an Maakathyas.4:19 Styr gwersow 17-19 yw ansertan. 20Mebyon Shimon: Amnon, Rinna, Ben-hanan, ha Tilon. Mebyon Yshi: Zoheth ha Ben-zoheth. 21Mebyon Shela mab Yuda: Er tas Leka, Laada tas Maresha, ha kordhow an weythoryon lien yn Beth-ashbea, 22ha Yokim, ha gwer Kozeba, Yoash ha Saraf a rewlyas yn Moab ha dehweles dhe Lehem (an kovadhow yw koth). 23An re ma o an briweythoryon trigys yn Netaim ha Gedera; yth esens trigys ena yn servis an myghtern.

Mebyon Simeon

24Mebyon Simeon: Nemuel, Yamin, Yarib, Zeragh ha Shaul; 25Shallum o y vab, Mibsam y vab, Mishma y vab. 26Mebyon Mishma: Hammuel y vab, Zakkur y vab, Shimei y vab. 27Yth esa dhe Shimei hwetek mab ha hwegh myrgh, mes nyns esa dh'y vreder lies flogh ha ny gressyas loeth Simeon kepar ha loeth Yuda. 28Yth esa mebyon Simeon trigys yn Beer-sheba, Molada, Hasar-shual, 29Bilha, Esem, Tolad, 30Bethuel, Horma, Siklag, 31Beth-markaboth, Hasar-susim, Beth-biri ha Shaaraym. An re ma o aga sitys bys pan reynyas Davydh. 32Aga threvow o Etam, Ayn, Rimmon, Token hag Ashan, pymp sita, 33hag oll aga threvow esa a-dro dhe'n sitys ma bys yn Baal. An re ma o aga threvesigethow hag i a withas kovadh aga aghskrif.

34An re ma o pennow aga hordhow: Meshobab, Yamlek, Yosha mab Amasia, 35Yoel, Yehu mab Yoshibia mab Seraya mab Asiel, 36Elyoenay, Yaakoba, Yeshohaya, Asaya, Adiel, Yesimiel, Benaya, 37Ziza mab Shifi mab Allon mab Yedaya, mab Shimri mab Shemaia – 38an re ma kampoellys der aga henwyn o pennow yn teyluyow aga thasow; ha chi aga thasow a gressyas yn fras. 39I a vyajyas dhe entrans Gedor, a'n est dhe'n nans, rag hwilas peurva rag aga flokkys ha'ga greow. 40I a gavas peurva rych ha feyth ha'n tir o pur efan, kosel ha hebask. Kyns i dhe dhos, yth esa re a Ham trigys ena. 41An re ma skrifys dre hanow a dheuth yn dydhyow Hezekia myghtern Yuda. I a dhistruis tyldow an Hamysi ha'n Meunysi a veu kevys ena ha'ga difeudhi bys y'n jydh ma; i a drigas yn aga le, drefenn bos peurva ena rag aga flokkys ha'ga greow. 42Ha rann a'n Simeonysi, pymp kans gour, eth dhe venydh Seir, gans aga hembrenkysi Pelatia, Nearia, Refaya hag Uzziel, mebyon Yshi. 43I a ladhas remenant an Amalekysi re dhienksa; hag i re beu trigys ena bys y'n jydh ma.