Henedh Levi

1Mebyon Levi: Gershon, Kohath ha Merari.6:1 Gwersyow 6:1-15 yw niverys 5:27-41 y'n tekst ebrow ha'n Septuagint. 2Mebyon Kohath: Amram, Yshar, Hebron hag Uzziel. 3Mebyon Amram: Aron, Moyses, ha'ga hwoer, Miryam. Mebyon Aron: Nadab, Abihu, Eleazar hag Ithamar. 4Eleazar a dhineythis Finehas, Finehas a dhineythis Abishua, 5Abishua a dhineythis Bukki, Bukki a dhineythis Uzzi, 6Uzzi a dhineythis Zerahia, Zerahia a dhineythis Merayoth, 7Merayoth a dhineythis Amaria, Amaria a dhineythis Ahitub, 8Ahitub a dhineythis Sadok, Sadok a dhineythis Ahimaas, 9Ahimaas a dhineythis Azaria, Azaria a dhineythis Yohanan, 10Yohanan a dhineythis Azaria (ev a servyas avel oferyas y'n tempel a veu drehevys gans Solomon yn Yerusalem). 11Azaria a dhineythis Amaria, Amaria a dhineythis Ahitub, 12Ahitub a dhineythis Sadok, Sadok a dhineythis Shallum, 13Shallum a dhineythis Hilkia, Hilkia a dhineythis Azaria, 14Azaria a dhineythis Seraya, Seraya a dhineythis Yehosadak; 15hag Yehosadak eth yn divroedh pan dhannvonas an Arloedh Yuda ha Yerusalem yn divroedh dre leuv Nebukadnessar.

16Mebyon Levi: Gershon, Kohath ha Merari.6:16 Gwersyow 16-81 yw niverys 1-66 y'n tekst ebrow ha'n Septuagint. 17An re ma yw henwyn mebyon Gershon: Libni ha Shimi. 18Mebyon Kohath: Amram, Yshar, Hebron, hag Uzziel. 19Mebyon Merari: Mahli ha Mushi. An re ma yw teyluyow an Levysi war-lergh aga thasow. 20A Gershom: Libni y vab, Yahath y vab, Zimma y vab, 21Yoagh y vab, Iddo y vab, Zeragh y vab, Yeatheray y vab. 22Mebyon Kohath: Amminadab y vab, Koragh y vab, Assir y vab, 23Elkana y vab, Ebiasaf y vab, Assir y vab, 24Tahath y vab, Uriel y vab, Uzzia y vab, ha Shaul y vab. 25Mebyon Elkana: Amasai hag Ahimoth, 26Elkana y vab, Sofay y vab, Nahath y vab, 27Eliab y vab, Yeroham y vab, Elkana y vab. 28Mebyon Samuel: Yoel6:28 Yoel: Amendys war-lergh gwers 33, ha 1Sa 8:2. Nyns yw hanow ma y'n tekst ebrow. y gynsa genys, an nessa Abia. 29Henedh Merari: Mahli, Libni y vab, Shimi y vab, Uzza y vab, 30Shimea y vab, Haggia y vab, hag Asaya y vab.

Menestrouthi an Tempel

31An re ma yw an dus settys gans myghtern Davydh yn charj a'n menestrouthi yn chi an Arloedh, wosa an argh dhe bowes ena. 32I a venystras gans kan a-dherag tabernakel tylda an kuntelles, erna dhrehavsa Solomon chi Arloedh yn Yerusalem; hag i a wrug aga servis y'n vaner ragsettys. 33An re ma yw an dus a servyas war-barth gans aga mebyon. A vebyon an Kohathysi: Heman, an kaner, mab Yoel, mab Samuel, 34mab Elkana, mab Yeroham, mab Eliel, mab Toagh, 35mab Suf, mab Elkana, mab Mahath, mab Amasai, 36mab Elkana, mab Yoel, mab Azaria, mab Sefania, 37mab Tahath, mab Assir, mab Ebiasaf, mab Koragh 38mab Yshar, mab Kohath, mab Levi, mab Ysrael; 39ha'y gowethyas Asaf, a sevis a'y barth dhyghow, henn yw, Asaf, mab Berekia, mab Shimea, 40mab Mighal, mab Baaseya, mab Malkia, 41mab Ethni, mab Zeragh, mab Adaya, 42mab Ethan, mab Zimma, mab Shimei, 43mab Yahath, mab Gershon, mab Levi. 44A'n barth kledh yth esa aga howethysi mebyon Merari: Ethan mab Kishi, mab Abdi, mab Malluk, 45mab Hashabia, mab Amasia, mab Hilkia, 46mab Amsi, mab Bani, mab Shemer, 47mab Mahli, mab Mushi, mab Merari, mab Levi; 48ha'ga breder an Levysi a veu apoyntys rag oll servis tabernakel chi Duw.

49Mes Aron ha'y vebyon a leskis offrynnow war alter offrynn leskys ha war alter an ynkys rag oll ober an tyller an moyha sans ha dhe wul prenedh rag Ysrael war-lergh oll re arghsa Moyses gwas Duw. 50An re ma yw mebyon Aron: Eleazar y vab, Finehas y vab, Abishua y vab, 51Bukki y vab, Uzzi y vab, Zerahia y vab, 52Merayoth y vab, Amaria y vab, Ahitub y vab, 53Sadok y vab, Ahimaas y vab.

Sitys an Levysi

54An re ma yw aga thrigvaow herwydh aga threvesigethow a-ji dh'aga emlow: dhe vebyon Aron, a deyluyow an Kohathysi, rag an prennyer dhe goedha dhedha kynsa. 55Dhedha i a ros Hebron yn pow Yuda ha'n peurvaow yn hy hyrghynn. 56Mes gwelyow an sita ha'y threvow i a ros dhe Kaleb, mab Yefunne. 57Dhe vebyon Aron i a ros sitys meneghi: Hebron, Libna gans hy feurvaow, Yattir, Eshtemoa gans hy feurvaow, 58Hilen gans hy feurvaow, Debir gans hy feurvaow, 59Ashan gans hy feurvaow, ha Beth-shemesh gans hy feurvaow. 60Dhiworth loeth Benyamin, Geba gans hy feurvaow, Alemeth gans hy feurvaow, hag Anathoth gans hy feurvaow. Oll aga sitys dres aga theyluyow o trydhek.

61Dhe kordhow erell mebyon Kohath y feu res gans prennyer deg sita dhiworth teylu an loeth, dhiworth an hanter-loeth Manasse. 62Dhe vebyon Gershom herwydh aga theyluyow y feu res trydhek sita dhiworth loethow Yssakar, Asher, Naftali, ha Manasse yn Bashan. 63Dhe'n Merarysi herwydh aga theyluyow a veu res dewdhek sita dhiworth loethow Rewben, Gad ha Zebulun. 64An Ysraelysi a ros dhe'n Levysi an sitys ma gans aga feurvaow. 65Ynwedh i a ros dhedha gans prennyer dhiworth loethow Yuda, Simeon ha Benyamin an sitys ma yw kampoellys dre hanow.

66Rann a gordhow an Kohathysi a'n jevo sitys aga thiredh dhiworth loeth Efraym. 67I a veu res sitys meneghi: Shekem gans hy feurvaow yn bro venydhyek Efraym, Gezer gans hy feurvaow, 68Yokmeam gans hy feurvaow, Beth-horon gans hy feurvaow, 69Ayyalon gans hy feurvaow, Gath-rimmon gans hy feurvaow, 70ha dhiworth hanter-loeth Manasse, Aner gans hy feurvaow, ha Bileam gans hy feurvaow rag kordhow erell an Kohathysi.

71Dhe'n Gershomysi dhiworth hanter-loeth Manasse: Golan yn Bashan gans hy feurvaow hag Ashtaroth gans hy feurvaow; 72ha dhiworth loeth Yssakar: Kedesh gans hy feurvaow, Daberath gans hy feurvaow, 73Ramoth gans hy feurvaow, hag Anem gans hy feurvaow; 74dhiworth loeth Asher: Mashal gans hy feurvaow, Abdon gans hy feurvaow, 75Hukok gans hy feurvaow, ha Rehob gans hy feurvaow; 76dhiworth loeth Naftali: Kedesh yn Galile gans hy feurvaow, Hammon gans hy feurvaow, ha Kiryathaym gans hy feurvaow. 77Dhe remenant an Merarysi y feu res dhiworth loeth Zebulun: Rimmon6:77 Rimmon: Amendys. Ebrow Rimmono. gans hy feurvaow, Tabor gans hy feurvaow, 78ha dres an Yordan yn Yeriko, war denewen est an Yordan, dhiworth loeth Rewben: Beser y'n gwylvos gans hy feurvaow, Yahsa gans hy feurvaow, 79Kedemoth gans hy feurvaow, ha Mefaath gans hy feurvaow; 80ha dhiworth loeth Gad: Ramoth yn Gilead gans hy feurvaow, Mahanaym gans hy feurvaow, 81Heshbon gans hy feurvaow ha Yazer gans hy feurvaow.