Mebyon Yssakar

1Mebyon Yssakar: Tola, Pua, Yashub ha Shimron, peswar. 2Mebyon Tola: Uzzi, Refaya, Yeriel, Yaghmay, Ybsam, ha Shemuel, pubonan anedha o pennow chi aga thasow, diyskynnysi Tola, kasoryon alloesek war-lergh aga henedhow; aga niver yn dydhyow Davydh o dew vil warn ugens ha hwegh kans. 3Mab Uzzi: Yzraghya. Mebyon Yzraghya: Mighal, Obadia, Yoel, hag Ysshia, pymp, pubonan pennternedh; 4war-barth gansa, herwydh aga henedhow, herwydh chi aga thasow, yth esa bagasow a'n lu rag bresel, hwetek mil warn ugens, rag bos dhedha lies gwreg ha lies mab. 5Aga breder yn oll kordhow Yssakar, kasoryon alloesek, o seyth ha peswar ugens mil, pubonan kovskrifys y'n aghskrifow.

Mebyon Benyamin

6Mebyon Benyamin: Bela, Beker, ha Yediael, tri. 7Mebyon Bela: Esbon, Uzzi, Uzziel, Yerimoth, hag Iri, pymp penn a ji aga thasow, kasoryon alloesek; ha'ga omrolyans herwydh aga aghskrifow o dew vil warn ugens ha peswardhek warn ugens. 8Mebyon Beker: Zemira, Yoash, Eliezer, Elyoenay, Omri, Yeremoth, Abia, Anathoth, hag Alemeth. Oll an re ma o mebyon Beker, 9omrolys y'n aghskrifow, herwydh aga henedhow, avel pennow chi aga thasow, kasoryon alloesek, ugens mil ha dew kans. 10Mebyon Yediael: Bilhan. Ha mebyon Bilhan: Yeush, Benyamin, Ehud, Kenaana Zethan, Tarshish, hag Ahishahar. 11Oll an re ma o mebyon Yediael herwydh pennow kordhow aga thasow, kasoryon alloesek, seytek mil ha dew kans parys rag servis yn bresel. 12An Shuppim ha'n Huppim o mebyon Ir. An Hushim o mebyon Aher.7:12 An Hushim o mebyon Aher: An tekst ebrow yw legrys. Martesen Dan a'n jevo unn mab, Hushim.

Mebyon Naftali

13Mebyon Naftali: Yaghsiel, Guni, Yeser ha Shallum, mebyon Bilha.

Mebyon Manasse

14Mebyon Manasse, Asriel dineythys gans y iswreg aramaek, ha Makir. Makir o tas Gilead. 15Makir a gemmeras gwreg rag Huppim hag onan rag Shuppim. Maaka o hanow y hwoer. Hanow an mab arall o Selofehad; ha Selofehad a'n jevo myrghes hepken.7:15 An tekst ebrow yw legrys. 16Ha Maaka gwreg Makir a dhineythis mab ha gelwel y hanow Peresh; ha hanow y vroder o Sheresh; ha'y vebyon o Ulam ha Rakem. 17Mab Ulam: Bedan. An re ma o henedh Gilead, mab Makir, mab Manasse. 18Ha'y hwoer Hammoleketh a dhineythis Ishhod, Abiezer, ha Mahla. 19Mebyon Shemida o Ahyan, Shekem, Likhi, hag Aniam.

Mebyon Efraym

20Henedh Efraym: Shuthelagh, ha Bered y vab, Tahath y vab, Eleada y vab, Tahath y vab, 21Zabad y vab, ha Shuthelagh y vab. Ezer hag Elead a veu ledhys gans gwer Gath, trigoryon enesik an tir, drefenn i dhe dhiyskynna rag kemmeres aga chatel. 22Efraym aga thas a alaris lies dydh, ha'y neskerens a dheuth dh'y gonfortya. 23Efraym eth a-ji dh'y wreg, ha hi a gonsevyas ha dineythi mab; hag ev a elwis y hanow Beria, drefenn anfeus dhe hwarvos dh'y ji. 24Y vyrgh o Sheera, neb a dhrehevis keffrys Beth-horon Isella ha Gwartha, hag Uzzen-shera. 25Refagh o y vab, Reshef y vab, Telagh y vab, Tahan y vab, 26Ladan y vab, Ammihud y vab, Elishama y vab, 27Nun y vab, Yoshua y vab. 28Aga thiredh ha'ga threvesigethow o Bethel ha'y threvow, dhe'n est Naaran, dhe'n howlsedhes Gezer ha hy threvow, ha Shekem ha'y threvow bys yn Ayya ha'y threvow. 29Yn perghennogeth Manasse yth esa Beth-shean ha'y threvow, Taanak ha'y threvow, Megiddo ha'y threvow, Dor ha'y threvow. Y'n re ma yth esa trigys mebyon Yosep mab Ysrael.

Mebyon Asher

30Mebyon Asher: Ymna, Yshva, Yshvi, Beria, ha'ga hwoer Seragh. 31Mebyon Beria: Heber ha Malkiel, neb o tas Birzayth. 32Heber a dhineythis Yaflet, Shemer, Hotham ha'ga hwoer Shua. 33Mebyon Yaflet: Pasak, Bimhal, hag Ashvath. An re ma o mebyon Yaflet. 34Mebyon Shemer y vroder: Rohga, Yehubba, hag Aram. 35Mebyon Helem y vroder: Sofagh, Ymna, Shelesh hag Amal. 36Mebyon Sofagh: Suagh, Harnefer, Shual, Beri, Ymra, 37Beser, Hod, Shamma, Shilsha, Ythran, ha Beera. 38Mebyon Yether: Yefunne, Pispa, hag Ara. 39Mebyon Ulla: Aragh, Hanniel, ha Risya. 40Oll an re ma o mebyon Asher, pennow chi aga thasow, kasoryon alloesek, pennternedh boesek. Aga niver omrolys dre aghskrifow, rag servis yn bresel, o hwegh mil wour warn ugens.