1Ytho oll Ysrael a veu kovskrifys herwydh aga aghskrifow yn lyver myghternedh Ysrael. Yuda a veu degys yn divroedh yn Babylon drefenn aga dislelder. 2An kynsa divresow dhe driga arta yn aga sitys o Ysraelysi leg, an oferysi, an Levysi, ha'n Nethinim.9:2 Nethinim: Kethwesyon an Tempel.

An Dus a Dhehwelas dhe Yerusalem

3Yth esa re a vebyon Yuda, Benyamin, Efraym ha Manasse trigys yn Yerusalem: 4Uthay mab Ammihud, mab Omri, mab Imri, mab Bani, dhiworth mebyon Peres mab Yuda. 5A'n Shilonysi: Asaya an kynsa-genys, ha'y vebyon. 6A vebyon Zeragh: Yeuel ha'ga breder, hwegh kans, deg ha peswar-ugens. 7A'n Benyaminysi: Sallu mab Meshullam, mab Hodavya, mab Hassenua, 8Ybneya mab Yeroham, Ela mab Uzzi, mab Mikri, ha Meshullam mab Shefatia, mab Reuel, mab Ybniya; 9ha'ga breder war-lergh aga henedhow naw kans, hwetek ha dew-ugens. Oll an wer ma o pennow chi aga thasow.

An Oferysi

10A'n oferysi: Yedaya, Yehoyarib, Yakin, 11Azaria mab Hilkia, mab Meshullam, mab Sadok, mab Merayoth, mab Ahitub, pennsoedhek chi Duw; 12Adaya mab Yeroham, mab Pashhur, mab Malkia; Maasay mab Adiel, mab Yaghzera, mab Meshullam, mab Meshillemith, mab Immer; 13war-barth gans aga breder, pennternedh yn chi aga thasow, mil, seyth kans ha tri ugens, gwer pur abel rag ober yn servis chi Duw.

An Levysi

14A'n Levysi: Shemaia mab Hasshub, mab Azrikam, mab Hashabia, a vebyon Merari; 15Bakbakkar, Heresh, Galal, ha Mattania mab Mika, mab Zikri, mab Asaf; 16Obadia mab Shemaia, mab Galal, mab Yeduthun; Berekia, mab Asa, mab Elkana, esa trigys yn trevow an Netofathysi.

17An borthoryon: Shallum, Akkub, Talmon, Ahiman, ha'ga breder. Shallum o an penn. 18Kyns an termyn na yth ens gwithysi orth yet an myghtern troha'n est. Re biens porthoryon rag kamp an Levysi. 19Shallum mab Kore, mab Ebiasaf, mab Koragh, ha'y breder yn teylu an Koraghysi, a'n jevo charj a ober an servis, avel gwithysi treudhow an tylda; aga thasow a's tevia charj a witha an entrans dhe gamp an Arloedh. 20Finehas mab Eleazar re bia an soedhek warnedha seulabrys; yth esa an Arloedh ganso. 21Zekaria mab Meshelemia o porther orth entrans tylda an kuntelles. 22Oll an re dewisys dhe vos porthoryon orth an treudhow o dew kans ha dewdhek. I a veu kovskrifys yn aga godrevi. Davydh ha Samuel an gwelesydh a wrussa aga apoyntya drefenn aga lenduri. 23Ytho i ha'ga mebyon a's tevo charj a yetow chi an ARLOEDH, henn yw, chi an tylda, avel gwithysi. 24Yth esa an borthoryon war an peswar tenewen, howldrehevel, howlsedhes, kledhbarth ha dyghowbarth; 25res o aga breder yn aga godrevow dos dhe servya gansa dre seyth dydh treweythyow. 26An peswar chyf porther, neb o Levysi, a'n jevo charj a jambouryow ha gwithvaow chi Duw. 27Yth esens ow spena an nos a-dro dhe ji Duw rag yth esa warnedha an dever dh'y witha, ha dh'y igeri pub myttin.

28Re anedha a'n jevo charj a dhaffar an servis, rag res o aga akontya pan vedhens dres a-ji ha kemmerys yn-mes. 29Re erell anedha a veu apoyntys dhe worweles an mebel, hag oll daffar an sentri, an bleus fin, an gwin, an oyl, an frankynkys ha'n spisys. 30Re a vebyon an oferysi a gemmyska an spisys, 31ha Mattithia, onan a'n Levysi, kynsa-genys Shallum an Koraghyas, a'n jevo charj a wrians an tesennow pebys yn padell. 32Ha re a'ga breder an Koraghysi a'n jevo charj a vara an wolok, dh'y bareusi pub sabot.

33Yth esa an ganoryon, pennow teyluyow an Levysi, trigys yn chambouryow diberthys ragdha, rag res o i dhe vos parys dhe servya dydh ha nos. 34An re ma o pennow teyluyow an Levysi herwydh aga henedhow, hembrenkysi, trigys yn Yerusalem.

Teylu Myghtern Sowl

35Yn sita Gibeon yth esa trigys Yeiel, tas Gibeon, ha hanow y wreg o Maaka. 36Y vab kynsa-genys: Abdon, ena Sur, Kish, Baal, Ner, Nadab, 37Gedor, Ahio, Zekaria, ha Mikloth. 38Mikloth a dhineythis Shimea; yth esens trigys a-dal aga breder yn Yerusalem. 39Ner a dhineythis Kish, ha Kish a dhineythis Sowl, ha Sowl a dhineythis Yonathan, Malkishua, Abinadab, hag Eshbaal. 40Mab Yonathan o Merib-baal ha Merib-baal a dhineythis Mika. 41Mebyon Mika: Pithon, Melek, Taghrea hag Ahaz.9:41 hag Ahaz: Ow siwya an Syriek, ha 1Kr 8:35. Nyns usi y'n tekst ebrow. 42Ahaz a dhineythis Yara; Yara a dhineythis Alemeth, Azmaveth, ha Zimri; Zimri a dhineythis Mosa. 43Mosa a dhineythis Binea, ha Refaya o y vab, Elasa y vab, Asel y vab. 44Asel a'n jevo hwegh mab ha'n re ma yw aga henwyn: Azrikam, Bokeru, Yshmael, Shearia, Obadia, ha Hanan; an re ma o mebyon Asel.