Pregoth Krist Krowsys

1Pan dheuth vy dhywgh, breder, ny dheuth ow terivas dustuni2:1 dustuni: War-lergh re a'n dornskrifow kevrin. Duw nag yn geryow ughel nag yn skentoleth ughel. 2Rag my a erviras na wodhyen travyth yn agas mysk marnas Yesu Krist hag ev krowsys. 3Hag yth esen vy genowgh yn gwannder hag yn own ha meur a grena; 4hag ow hows ha'm negys ny veu res dre dennvos geryow a skentoleth,2:4 skentoleth: War-lergh re a'n dornskrifow skentoleth mab-den. mes yn diskwedhyans a'n Spyrys hag a nerth, 5agas fydh ma na vo yn skentoleth mab-den mes yn nerth Duw.

Diskwedhyans Spyrys Duw

6Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves. 7Mes ni a gews furneth Duw, kevrinek ha kudh, a ragdhestnas Duw kyns an oesow rag agan glori. 8Nagonan a rewlysi an oes ma ny gonvedhas hemma; rag mar konvetthens, ny growssens an Arloedh a wormola. 9Mes, dell yw skrifys,

‘An pyth na welas lagas bythkweth ha na glewas skovarn

ha na dheuth yn kolonn mab-den,

an pyth re beu darbarys gans Duw dhe'n re a'n kar’ –

10Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw. 11Rag py den a woer an pyth yw a dhensys yn hwir marnas spyrys a dhensys usi ynno? Yn kettella, ytho, denvyth ny gonvedh an pyth yw dhe Dhuw marnas Spyrys Duw. 12Ha ny dhegemmersyn spyrys an bys mes an Spyrys usi dhiworth Duw, may konvetthyn an taklow res yn hel dhyn ni gans Duw. 13A-dro dhe'n re ma, ytho, ni a gews yn lavarow nag yw dyskys dre skentoleth mab-den, mes dyskys gans an Spyrys, ow styrya traow spyrysel dhe'n re yw spyrysel.

14Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys. 15An den spyrysel a vreus pup-tra mes ev y honan nyns yw gorrys yn-dann vreus denvyth: 16‘Rag piw re gonvedhas brys an Arloedh may hwrello y gevarwoedha?’

Mes ni a'gan beus brys Krist.