An Ger a Vewnans

1An pyth a veu a-dhia'n dalleth hag a wrussyn y glewes, a wrussyn y gweles gans agan dewlagas ha mires warnodho ha tochya gans agan diwleuv, a-dro dhe'n Ger a vewnans – 2rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn – 3an pyth re welsyn ha re glewsyn a dherivyn orthowgh ynwedh, rag ma'gas bo kowethyans genen: hag yn hwir yma agan kowethyans ni gans an Tas ha gans y Vab, Yesu Krist. 4Ha'n re ma a skrifyn dhywgh1:4 skrifyn dhywgh: War-lergh re a'n dornskrifow skrifyn. rag may fo agan1:4 agan: War-lergh re a'n dornskrifow agas. lowender leun.

Duw yw Golewder

5Hemm yw an messaj re glewsyn ganso, hag a dherivyn dhywgh, Duw dhe vos golewder ha nag eus ynno tewlder vytholl. 6Mar leveryn bos dhyn kowethyans ganso, hag y kerdhyn yn tewlder, gowleverel a wren, ha ny wren an pyth yw gwir. 7Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes. 8Mar leveryn na'gan bos peghes, yth omdoellyn, ha nyns usi an gwirder ynnon. 9Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth. 10Mar leveryn na beghsyn, ni a'n gwra gowek, ha nyns usi y er ynnon.