Pareusyans rag Drehevyans an Tempel

15:1 5:1 bys 5:18 yw niverys 5:15 bys 5:32 y'n tekst ebrow. Hiram myghtern Tyr a dhannvonas y wesyon dhe Solomon, pan glewas i dh'y untya myghtern yn le y das; rag Hiram o pup-prys koweth dhe Davydh. 2Solomon a dhannvonas ger dhe Hiram, ow leverel, 3‘Ty a woer na allas ow thas drehevel chi rag hanow an Arloedh y Dhuw drefenn an breselyow gans y eskerens a bub tu, bys pan y's gorras an Arloedh yn-dann wodhnow y dreys. 4Mes lemmyn an Arloedh ow Duw re ros powes dhymm a bub tu; nyns eus na eskar na drog hwarvedhyans. 5Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.” 6Rakhenna gorhemmynn bos treghys ragov kederwydh a Lebanon. Ow wesyon a vydh gans dha wesyon, ha my a re gobrow dhe'th wesyon herwydh dha hwans; rag ty a woer nag eus denvyth yntredhon a woer treghi gwydh avel an Sidonysi.’

7Pan glewas Hiram geryow Solomon ev a lowenhas yn feur, ha leverel, ‘Re bo benniges an Arloedh hedhyw, re ros dhe Davydh mab fur dhe vos a-ugh an bobel veur ma.’ 8Hiram a dhannvonas ger dhe Solomon, ‘My re glewas an messaj a dhannvensys dhymm; my a gollenow oll dha vodh a-dro dhe brenn keder ha prenn meryw. 9Ow wesyon a's dre war vor dhiworth Lebanon; my a's gorr war-barth avel skathow-kloes dhe vos war vor dhe'n tyller a dhiskwedhydh. My a's digelm ena dhe vos kemmerys genes. Ha ty a gollenow ow edhommow ow provia boes rag ow hoskordh.’ 10Ytho Hiram a brovias pub edhomm Solomon rag prenn keder ha prenn meryw. 11Ha Solomon a ros ugens mil kor5:11 kor: Musur sygh po linyel a-dro dhe 400 liter. a waneth avel boes rag y goskordh, hag ugens kor a oyl pur. Solomon a ros hemma dhe Hiram blydhen ha blydhen. 12Ytho an Arloedh a ros furneth dhe Solomon, dell ambosas dhodho. Yth esa kres yntra Hiram ha Solomon; ha'ga dew a wrug kevambos.

13Myghtern Solomon a gavas lavurysi gonstrynys a Ysrael oll; ha'n niver o deg warn ugens mil wour. 14Ev a's dannvonas dhe Lebanon, deg mil an mis yn korow; i a spena mis yn Lebanon ha dew vis yn tre; Adoniram a'n jevo charj a'n lavur konstrynys. 15Solomon a'n jevo ynwedh deg lavuryas ha tri-ugens ha peswar-ugens ser men y'n vro venydhyek, 16keffrys ha tri mil ha tri kans a bennweythoryon a-ugh an gweyth, yn charj an dus a wre an gweyth. 17Orth gorhemmynn an myghtern i a vengleudhya meyn kostek meur rag fondya selveyn an chi gans meyn treghys. 18Yth esa drehevoryon Solomon ha drehevoryon Hiram ha'n Gebalysi ow treghi an meyn ha pareusi an prenn ha'n veyn rag drehevel an chi.