Salusyans

1Powl, Silvanus ha Timothi,

Dhe eglos tus Thessalonika yn Duw an Tas ha'n Arloedh Yesu Krist: Gras dhywgh hwi ha kres.1:1 ha kres: War-lergh re a'n dornskrifow ha kres dhiworth Duw agan Tas ha'n Arloedh Yesu Krist.

Fydh hag Ensampel Tus Thessalonika

2Ni a ras dhe Dhuw pup-prys ragowgh hwi oll, orth agas meneges yn agan pysadow, heb hedhi, 3ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,1:3 a-dherag Duw agan Tas: Greka a-dherag agan Duw ha Tas. 4ow kodhvos, a vreder meurgerys gans Duw, agas bos dewisys; 5rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les. 6Ha hwi a dheuth ha bos holyoryon a'gan ensampel ni, hag a'n Arloedh, ow tegemmeres an ger yn galar bras gans lowena an Spyrys Sans, 7mayth ethewgh ha bos ensampel dhe'n gryjygyon oll yn Makedonia hag Aghaia. 8Rag ger an Arloedh ny wrug seni dhiworthowgh nyns yw unnsel yn Makedonia hag yn Aghaia, mes yn pub le agas fydh yn Duw re beu dyllys a-les, ma nag yw res dhyn ni leverel travyth. 9An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir, 10ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.