1Lyver1:1 Lyver War-lergh re a'n dornskrifow Nessa lyver. an profoes Ezra mab Seraya mab Azaria mab Hilkia mab Shallum mab Sadok mab Ahitub1:1 An lyver ma yw henwys 3 Esdras yn Biblow re a eglosyow an Est. Yn ystynnans an Vulgat yth yw henwys 4 Esdras. 2mab Ahiya mab Finehas mab Eli mab Amaria mab Azaria mab Merayoth mab Arna mab Uzzi mab Borith mab Abishua mab Finehas mab Eleaza 3mab Aron, a loeth Levi, a veu keth yn rannvro an Medys, yn reyn Artakserkses myghtern an Persianys.

Galow Ezra dhe vos Profoes

4Ger an Arloedh a dheuth dhymm, ow leverel, 5‘Ke, ha diskwedh dhe'm pobel aga hammweythresow, ha dh'aga mebyon an drogoberow a wrussons er ow fynn, may teriffons dhe fleghes aga fleghes, 6y hwrug peghosow aga thasow kressya ynna, rag i re'm ankovas, hag offrynna dhe dhuwow astranj. 7A nyns yw my neb a's dros yn-mes a bow Ejyp, yn-mes a'n chi a gethneth? Mes i re'm gwrug dhe serri, ha despitya ow husulyow. 8Torr ytho an gols a'th penn, ha towl pub droktra warnedha, rag nyns ens i gostydh dhe'm lagha; pobel a rebellyans yns. 9Pes termyn y hwrav vy aga ferthi, may hwrugavy dhedha kemmys dader? 10Lies myghtern a dhomhwelis a'ga govis; my a weskis Faro war-barth gans y servysi ha'y lu kowal. 11My re dhistruis pub kenedhel a-ragdha, hag y'n howldrevel my re skattras an poblow a dhiw rannvro, Tyr ha Sidon, ha ladha oll aga eskerens.

12‘Ty kows dhedha ytho, ha lavar, Yndellma y lever an Arloedh : 13Sur, my yth o neb a'gas hembronkas der an mor, ha wrug fordhow saw ragowgh; my a ros Moyses dhywgh avel ledyer, hag Aron avel oferyas. 14My a brovias golow dhywgh dre goloven a dan, ha gul marthusyon bras yn agas mysk. Mes hwi re'm ankovas, yn-medh an Arloedh.

15‘Yndellma y lever an Arloedh Ollgalloesek: An rynki a veu tokyn dhywgh; my a ros dhywgh kampow dh'agas gwitha saw, hag ynna hwi a grodhvolas. 16Ny lowenhasowgh y'm hanow vy drefenn distruyans agas eskerens, mes bys y'n jydh hedhyw hwi a grodhvol heb hedhi. 17Ple'ma an masoberow a wrug vy dhywgh? Pan y'gas bo nown ha syghes y'n gwylvos, a ni wrussowgh kria dhymm 18ow leverel, “Prag y'gan dresys bys y'n gwylvos ma, dh'agan ladha? Gwell via ragon servya an Ejyptianys, es merwel y'n gwylvos ma.” 19Grevys veuv orth agas hanasow, ha my a ros dhywgh manna rag boes; hwi a dhybris bara eledh. 20Pan y'gas bo syghes, a ny dorras vy an garrek, ha dowrow pals a frosas yn-mes? Rag an toemmder my a'gas kudhas gans del gwydh. 21My a rannas an tiryow feyth dhywgh, my a fesyas an Kananysi, an Perizzysi ha'n Filistysi a-ragowgh. Pandr'a moy a allav vy y wul ragowgh? yn-medh an Arloedh. 22Yndellma y lever an Arloedh Ollgalloesek: Pan esowgh y'n gwylvos, orth an gover hwerow, ha dhywgh syghes, ow plasfemya ow hanow, 23ny dhros vy tan warnowgh drefenn dha blasfemiow, mes ow korra prenn y'n dowr, my a wrug an avon hweg.

Diwostytter Ysrael

24‘Pandr'a wrav dhis, Yakob? Ny vynnsys ow obaya, Yuda. My a dreyl dhe genedhlow erell, ha ri ow hanow dhedha, may hwitthons ow ordenansow. 25Rag hwi dhe'm forsakya vy, my a wra agas forsakya hwi. Pan bysowgh tregeredh ahanav, ny rov dhywgh tregeredh. 26Pan elwowgh warnav, ny wrav agas klewes; rag hwi re dhefolas agas diwleuv gans goes, ha'gas troes a fisten dhe wul denladh. 27Yth yw kepar dell wrussewgh forsakya agas honan, a-der ow forsakya vy, yn-medh an Arloedh..

28‘Yndellma y lever an Arloedh Ollgalloesek: A ny wrugavy pysi ragowgh kepar dell wra tas pysi rag y vebyon, kepar ha mamm rag hy myrghes, ha mammeth rag hy fleghes, 29rag may fewgh ow fobel, ha my dhe vos agas Duw; may fewgh hwi ow fleghes, ha my dhe vos agas tas? 30My a'gas kuntellas kepar dell guntell yar hy yerigow yn-dann hy eskelli. Mes lemmyn, pandr'a wrav dhywgh? My a'gas tewl yn-mes a-dhiworth ow fas. 31Pan dhrowgh offrynnow dhymm, my a dreyl ow fas a-dhiworthowgh; rag my re skonyas agas dy' goelyow, agas loeryow nowydh, ha trodreghyansow an kig. 32My a dhannvonas ow gwesyon an brofoesi, mes hwi a's kemmeras ha'ga ladha, ha terri aga horfow dhe temmyn; my a wovynn aga goes orthowgh, yn-medh an Arloedh.

33‘Yndellma y lever an Arloedh Ollgalloesek: Agas chi yw forsakys; my a'gas tewl dhe-ves kepar dell wra an gwyns tewlel kala'; 34ha ny wra agas mebyon dineythi fleghes, rag i re dhispresyas ow gorhemmynn, ha gul an dra yw drog y'm golok. 35My a re agas chiow dhe bobel a dheu, a wra ow krysi kyn na'm klewsons; an re ma a wra an pyth a worhemmynnis, kyn na dhiskwedhis vy toknys dhedha. 36Kyn na welsons profoesi, i a govha aga dyskans a'n dydhyow koth. 37My a elow yn test grasow an bobel a dheu, may hwra aga fleghes lowenha yn joy. Kyn na'm gwelsons gans lagasow an korf, hwath i a grys an taklow a leveris.

38‘Ha lemmyn, a das,1:38 a das: War-lergh dornskrif arall a vroder. mir gans goeth, ha gwel an bobel usi ow tos dhiworth an howldrevel. 39Dhedha my a re avel hembrenkysi Abraham, Ysak ha Yakob, ha Hosea hag Amos ha Mika ha Yoel hag Obadia ha Yona, 40ha Nahum, ha Habakkuk, Sefania, Haggay, Zekaria ha Malaki, neb yw henwys ynwedh kannas an Arloedh.