Salusyans

1An henavek,1:1 henavek: Greka presbyter. dhe'n arloedhes dhewisys ha'y fleghes, a garav y'n gwirder: mes nyns yw my ow honan, mes ynwedh oll an re a woer an gwirder, 2a-barth an gwirder hag a drig ynnon hag a vydh genen bys vykken.

3Gras, tregeredh, ha kres a vydh genen a Dhuw an Tas, hag a Yesu Krist, Mab an Tas yn gwirder ha kerensa.

Gwirder ha Kerensa

4My a lowenhas meur drefenn my dhe gavoes re a'th fleghes ow kerdhes yn gwirder, dell re gevsyn gorhemmynn gans an Tas. 5Ha lemmyn my a'th pys, A arloedhes, nyns yw par dell ven ow skrifa gorhemmynn nowydh dhis, mes an gorhemmynn a'gan beu a-dhia'n dalleth, may keryn an eyl y gila. 6Ha hemma yw kerensa, ni dhe gerdhes war-lergh y worhemmynnow. Hemm yw an gorhemmynn: may kerthowgh ynno, dell re glewsowgh a-dhia'n dalleth.

7Rag toelloryon bals re entras y'n bys, na gonfessyons Yesu Krist dhe vos devedhys y'n kig. Hemm yw an toeller ha'n Antekrist. 8Mirewgh orthowgh agas honan, na gellowgh1:8 na gellowgh: War-lergh re a'n dornskrifow na gellyn. an traow re wrussyn1:8 wrussyn: War-lergh re a'n dornskrifow wrussowgh. mes degemmeres leun bewas. 9Piwpynag ello re bell yn-rag, heb triga yn dyskas Krist, nyns eus dhodho Duw. Neb a drig y'n dyskas, yma dhodho keffrys an Tas ha'n Mab. 10Mar teu nebonan dhywgh heb dri an dyskas ma, na'n degemmerewgh yn agas chi na'n salusewgh. 11Rag neb a'n salus, ev a gevrenn yn y dhrogobereth.

Diwettha Salusyans

12Yma genev lies tra dhe skrifa dhis, mes ny via da genev skrifa gans paper hag ynk: mes y trestyav my dhe dhos dhis, ha kewsel fas orth fas, rag may fo agan lowender leun.

13Fleghes dha hwoer dhewisys a'th salus.