1Ena Elisha a leveris, ‘Klewewgh ger an ARLOEDH: yndellma y lever an Arloedh, “A-vorow, a-dro dhe'n eur ma, y fydh gwerthys sea7:1 sea: Ebrow sea, musur sygh a-dro dhe 7.3 liter. a'n gwella blonek a shekel, ha dew sea a heydh a shekel, yn yet Samaria.” ’ 2Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Aram a Fi

3Yth esa peswar gour klavorek orth entrans an yet. Yn-medhons an eyl dh'y gila, ‘Prag yth esedhyn omma bys pan verwyn? 4Mar leveryn, “Ni a enter y'n sita,” yma'n divoetter y'n sita ha ni a verow ena. Ha mar esedhyn omma, ni a verow ynwedh. Ytho deun, ha kilfia dhe gamp Aram; mara'gan sawyons yn few, ni a wra bewa; ha mara'gan ladhons ny wren marnas merwel.’ 5Ytho i a sevis d'wor' an nos rag mos dhe gamp Aram; mes pan dheuthons dhe amal kamp Aram nyns esa denvyth ena vytholl. 6Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp7:6 Ejyp: Po martesen Musur yn Kilikia. dhe vatalyas orthyn.’ 7Ytho i a sevis ha fia y'n tewolgow, ha gasa aga thyldow, ha'ga mergh, ha'ga asenes. I a asas an kamp par dell veu, ha fia rag aga bewnans. 8An glavorogyon na a dheuth dhe amal an kamp, ha mos yn unn tylda. I a dhybris hag eva, ha doen alena arghans hag owr ha dillas, ha mos dh'aga hudha, ha dos arta hag entra yn tylda arall ha doen taklow alena ynwedh ha mos dh'aga hudha.

9Ena i a leveris an eyl dh'y gila, ‘Kamm yw an pyth a wren. Dydh a nowodhow da yw an jydh ma. Mar tewyn ha gortos an bora ni a vydh dhe vlamya; ytho deun ha derivas dhe vayni an myghtern.’ 10Ytho i a dheuth ha gelwel orth gwithysi an yet, ha leverel orta, ‘Ni eth dhe gamp Aram, mes nyns esa gour vyth, na lev den, travyth marnas mergh kelmys, hag asenes kelmys, ha'n tyldow dell ens.’ 11Gwithysi an yet a grias, hag y feu derivys dhe vayni an myghtern a-ji. 12An myghtern a sevis y'n nos ha leverel dh'y wesyon, ‘My a diskwedh dhywgh lemmyn an pyth re wrug Aram dhyn. I a woer agan bos ow famya; rakhenna i res eth yn-mes a'n kamp rag omgudha y'n gwel, ow leverel, “Pan dhons yn-mes a'n sita, ni a wra aga hachya yn few, ha mos y'n sita.” ’ 13Onan a'y wesyon a worthybis, ‘Kemerryn, my a'th pys, pymp a'n vergh yw gesys; an re yw gesys a berth an keth tenkys hag oll an Ysraelysi yw gesys; mar merwons i a vydh haval dhe oll an Ysraelysi a verwis. Gas ni dh'aga dannvon, ha gweles.’7:13 Amendys. 14Ytho i a dhewisas dew varghek, ha'n myghtern a's dannvonas war-lergh lu Aram, ow leverel, ‘Kewgh ha gwelewgh.’ 15I eth war aga lergh bys y'n Yordan; hag otta, oll an fordh o leun a dhillas ha daffar tewlys dhe-ves gans Aram yn-dann fyski. Ytho an kannasow a dhehwelis ha derivas dhe'n myghtern.

16Ena an bobel eth yn-mes ha pylla kamp Aram. Ytho sea a vleus fin a veu gwerthys a shekel, ha dew sea a varlys a shekel, herwydh ger an Arloedh. 17An myghtern re apoyntsa an kapten may poesa ev war y leuv, dhe gavoes charj a'n yet; ha'n bobel a stankyas warnodho y'n yet, hag ev a verwis, dell lavarsa gour Duw pan dheuth an myghtern yn-nans dhodho. 18Rag pan gewsis gour Duw dhe'n myghtern, ow leverel, ‘Dew sea a heydh a shekel, ha sea a vleus fin a shekel, a vydh gwerthys a-vorow a-dro dhe'n eur ma yn yet Samaria’, 19an kapten a worthybis dhe wour Duw, ha leverel, ‘Otta, mar kwrella an Arloedh fenestri y'n nev, ny allsa hemma bos.’ Hag ev a leveris, ‘Otta, ty a wra y weles gans dha dhewlagas dha honan, mes ny wredh dybri a-dhiworto.’ 20Hag yndella y hwarva dhodho; an bobel a stankyas warnodho y'n yet hag ev a verwis.