An Den Dilagha

1Ni a'gas pys a vreder, a-dro dhe dhevedhyans agan Arloedh Yesu Krist ha'gan kuntellyans war-barth dhodho, 2na vewgh kryghyllys skav yn-mes a'gas brys nag amovys dre spyrys, na dre lavar, na dre lyther kepar ha pan ve dhiworthyn ni, ow terivas bos devedhys dydh an Arloedh. 3Na wres denvyth agas toella yn fordh vytholl; rag ny yll an jydh na dos2:3 Nyns usi y'n Greka an geryow ny yll an jydh na dos. mar ny dheu an nagh kyns oll, ha'n den dilagha2:3 ha'n den dilagha: War-lergh re a'n dornskrifow den a beghes. yw diskwedhys, mab an diswrians, 4neb a omsett hag omdhrehevel a-ugh pup-tra yw henwys Duw, po yw gordhys, mayth esedh2:4 esedh: War-lergh re a'n dornskrifow esedh avel Duw. yn tempel Duw, ow teklarya ev y honan dhe vos Duw. 5A ny berthowgh kov my dhe dherivas dhywgh an taklow ma, ha my hwath genowgh hwi? 6Ha hwi a woer pyth yw an fronn lemmyn, may fo diskwedhys yn y dermyn. 7Rag kevrin an fara dilagha a ober seulabrys. Mes ny wra an fronn lettya marnas poran y'n eur ma, bys mayth ello dhe-ves. 8Hag ena an den dilagha a vydh diskudhys, neb a wra an Arloedh Yesu2:8 Yesu: War-lergh re a'n dornskrifow nyns usi omma an ger ma. y dhistrui gans anall y anow, ha'y dhiswul dre diskwedhyans y dhevedhyans, 9ha'y dhevedhyans a vydh herwydh oberyans Satnas, gans oll galloes ha toknys ha marthusyon fals, 10ha gans pub toell a anewnder troha'n re usi ow mos dhe goll, rag ny dhegemmersons kerensa an gwir, may fens selwys. 11Ha rakhenna Duw a dhannvon dhedha kammdybyans krev, may kryssons an gow, 12may fo breusys pub den oll na wrug krysi an gwir, mes a gavas plesour yn kammhynseth.

Dewisys rag Selwyans

13Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth2:13 y'n dalleth: War-lergh re a'n dornskrifow avel an kynsa frut. rag selwyans dre sansheans an spyrys ha kryjyans y'n gwir. 14Dhe hemma ev a'gas gelwis ynwedh der agan aweyl dhe gavoes splannder agan Arloedh Yesu Krist. 15Ytho, a vreder, sevewgh fast ha synsewgh an hengovyow a dhys'sowgh genen dre lavar po dre lyther.

16Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras, 17re gennertho ha krevhe agas kolonn yn pub gwrians da ha pub ger da.