Gwrewgh Pysi Ragon

1Wor'tiwedh, a vreder, gwrewgh pysi ragon may hwrello ger an Arloedh spedya ha bos enorys kepar dell wrug vy ynwedh yn agas mysk, 2may fen ni delivrys dhiworth tus treus ha drog; rag nyns eus fydh gans pub den oll. 3Mes lel yw an Arloedh a wra agas nertha ha'gas gwitha rag an tebel el.3:3 rag an tebel el: Po rag drog. 4Hag yma fydhyans genen y'n Arloedh yn agas kever, hag yma fydhyans genen y'n Arloedh yn agas kever, hwi dhe vos ow kul, lemmyn hag y'n termyn a dheu, an taklow a wren ni gorhemmynna, 5Re wrello an Arloedh gidya agas kolonn dhe gerensa Duw ha dhe berthyans Krist.

Gwarnyans erbynn Diegi

6Ni a ergh dhywgh a vreder, yn hanow agan Arloedh Yesu Krist mayth omdennowgh dhiworth pub broder a gerdh yn tiek3:6 yn tiek: Po yn tirewl. heb siwya an hengov a dhegemmersons dhiworthyn ni. 7Rag hwi agas honan a woer fatell dhegoedh gul war agan lergh; rag nyns en ni diek3:7 diek: Po direwl. yn agas mysk, 8ha ny wren ni dybri bara dhiworth denvyth heb pe, mes gans hwel ha lavur dydh ha nos, owth oberi na worren begh war dhenvyth ahanowgh. 9Nyns on ni heb galloes, mes may ryllyn ni ensampel dhywgh may hallowgh gul war agan lergh. 10Rag pan esen ni genowgh ynwedh, ni a worhemmynnis dhywgh: den mar ny vynn oberi, na wres ev dybri naneyl. 11Ni a glew, re ahanowgh dhe vos ow kerdhes a-dro yn tiek,3:11 yn tiek: Po yn tirewl. heb oberi mann mes mellyoryon yns. 12Ni a ergh dhe dus a'n par na ha'ga heski yn hanow an Arloedh Yesu Krist mayth oberrons yn kosel ha dybri aga bara aga honan. 13Ha hwi, a vreder, na wrewgh kelli kolonn ow kul dader.

14Ha mars eus den na vo gostydh dh'agan ger der an lyther, merkyewgh an den ma, na wrewgh kowethya ganso may fo meth gorrys ynno. 15Mes na wrewgh y synsi avel eskar, mes y geski avel broder.

Bennath

16Ha'n Arloedh a gres y honan roy dhywgh kres pup-prys yn pub maner3:16 yn pub maner: War-lergh re a'n dornskrifow yn pub plas.. Re bo an Arloedh genowgh hwi oll.

17An dynnargh der ow dorn vy, Powl. Hemm yw an tokyn yn pub lyther; yndella y skrifav. 18Gras agan Arloedh Yesu Krist re bo genowgh hwi oll.3:18 War-lergh re a'n dornskrifow yma dhe dhiwedh an wers Amen.