Peder ha Yowann a-rag an Konsel

1Hag i ow kewsel orth an dus, an oferysi ha kapten an tempel ha'n Sadukeow a dheuth bys dhedha, 2meur anes, drefenn i dhe dhyski an dus ha pregoth yn Yesu an dasserghyans dhiworth an re varow. 3I a's dalghennas ha'ga gorra yn gwith bys an vorow; rag nans o hi gorthugher. 4Mes meur a'n re neb a glewas an ger a grysis, ha niver an wer a dheuth ha bos a-dro dhe bymp mil.

5Lemmyn ternos y hwarva bos kuntellys yn Yerusalem aga rewloryon ha'ga henavogyon ha'ga skribys, 6hag Annas an arghoferyas ha Kayfas ha Yowann hag Aleksander ha kemmys o a deylu an arghoferyas. 7Ha pan y's gorrsens yn aga mysk, i a wovynnas, ‘Dre by galloes po yn py hanow y hwrussowgh hwi hemma?’ 8Ena Peder, lenwys a'n Spyrys Sans, a leveris dhedha, ‘Rewloryon a'n bobel ha henavogyon, 9mars on ni apposys hedhyw a-dro dhe ober da gwrys dhe dhen anyagh, fatell veu yaghhes an den, 10bedhes godhvedhys dhywgh hwi oll ha dhe'n bobel oll a Ysrael: y feu yn hanow Yesu Krist a Nazareth, neb a growssowgh, neb a wrug Duw y dhrehevel dhiworth an re varow – y'n hanow ma yma an den ma ow sevel yn yagh a-dheragowgh. 11Hemm yw

“an men a veu skonys genowgh hwi, an weythoryon,

re dheuth ha bos pennmen an korn.”

12Ha nyns eus selwyans yn denvyth arall, rag nyns eus ken hanow yn-dann nev res yn mysk tus may tegoedh dhyn bos selwys.’

13Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu, 14ha drefenn i dhe weles an den re bia yaghhes ow sevel gansa, ny allsons i leverel travyth erbynn henna. 15Ytho, pan arghsens dhedha dhe vos yn-mes a'n konsel, i a omgusulyas an eyl gans y gila, 162ma 13 25 ow leverel, ‘Pandr'a yllyn ni dhe wul gans an dus ma? Rag apert yw oll dhe drigoryon Yerusalem bos tokyn marthys gwrys dredha, ha ny yllyn ni hy nagha, 17mes ma na vo derivys a-les dhe voy orth an bobel, gwren aga godros na lavarrons na fella y'n hanow ma dhe dhenvyth.’ 18Hag i a's gelwis hag a erghis dhedha na gowssons na dyski mann yn hanow Yesu. 19Mes Peder ha Yowann a worthybis ha leverel dhedha, ‘Mars yw ewn dherag Duw goslowes orthowgh hwi yn le orth Duw, hwi breusewgh; 20rag ny yllyn ni omwitha rag kewsel a-dro dhe'n taklow re welsyn ha klewes.’ 21Ha pan y's godrossens pella, i a's livras; ny gavsons fordh vyth dh'aga hessydhya, drefenn an bobel; rag yth esa i oll ow ri gordhyans dhe Dhuw a-dro dhe'n pyth a hwarvia; 22rag an den a hwarvia dhodho an tokyn ma a yaghheans o moy es dew-ugens bloedh.

An Gryjygyon a Bys Kolonnekter

23Pan vons livrys, i eth dh'aga thus aga honan hag i a dherivas pup-tra a lavarsa an bennoferysi ha'n henavogyon dhedha. 24Ha pan y'n klewsons, i a dhrehevis aga lev oll war-barth dhe Dhuw ha leverel, ‘Arloedh, neb a wrug nev ha nor, ha'n mor ha pup-tra ynna, 25neb a leveris gans an Spyrys Sans dre anow agan tas Davydh dha was,4:25 neb a leveris gans an Spyrys Sans dre anow agan tas Davydh dha was: War-lergh re a'n dornskrifow neb a leveris dre anow Davydh dha was.

“Prag y feu an Jentilys konneryek,

hag y tevisyas an poblow taklow euver?

26Myghternedh an norvys a dheuth,

ha'n rewloryon a omguntellas war-barth

erbynn an Arloedh hag erbynn y Untys ev.”

27Rag yn hwir y'n sita ma4:27 y'n sita ma: War-lergh re a'n dornskrifow, nyns usi omma an geryow ma. Herod ha Pontius Pilat gans Jentilys ha poblow Ysrael a omguntellas erbynn dha was4:27 was: Po flogh. sans Yesu, neb a wrussys y untya, 28rag gul an pyth a ragdhestnas dha leuv ha'th towl may fe gwrys. 29Ha lemmyn, Arloedh, mir orth aga godrosow ha gront dhe'th wesyon kewsel dha er gans pub kolonnekter, 30ha ty owth ystynn dha leuv rag yaghhe, may fo gwrys toknys ha marthusyon dre hanow dha was4:30 was: Po flogh. sans Yesu.’ 31Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

32Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha. 33Ha gans nerth meur an abesteli a dhegi aga dustuni a dhasserghyans an Arloedh Yesu, hag yth esa gras meur warnedha i oll. 34Rag nyns o nagonan edhommek yn aga mysk; rag kemmys o perghennogyon tiryow po chiow a's gwertha, ha dri pris an taklow gwerthys 35ha'y worra orth treys an abesteli; ha rynnys veu dhe gettep onan herwydh y edhomm. 36Ha Yosep, henwys gans an abesteli Barnabas (treylys, henn yw ‘mab konfort’) Levyas, genesik a Kyprus, 37neb a'n jeva park, a'n gwerthas hag ev a dhros an pris ha'y worra orth treys an abesteli.