1An myghtern Ahasuerus a settyas trubyt war an tir hag ynysow an mor. 2Oll gweythresow y alloes ha'y nerth, ha'n derivadow kewar a veuredh Mordekay may hwrug an myghtern y avonsya, a nyns yns i skrifys yn lyver kovadhow myghternedh Media ha Persia? 3Rag y feu Mordekay an Yedhow nessa wosa myghtern Ahasuerus, ha bras yn mysk an Yedhewon, ha meurgerys gans y vreder pals; ow hwilas les y bobel, hag ow kewsel kres dhe oll y has.

3a 10:3a Yn KJV gwersow 10:3a bys 3k yw niverys 10:1 bys 10:13.Ena yn-medh Mordekay, ‘Yth yw an taklow ma a Dhuw. 3b Rag perthi kov a wrav a'n hunros a welis a-dro dhe'n materow ma, ha ny fyllis travyth anodho. 3c A-dro dhe'n fenten vyghan hag eth ha bos avon, hag yth esa golow, ha'n howl, ha'n dowrow pals, an avon yw Ester a wrug an myghtern hy demmedhi ha gul anedhi myghternes. 3d An dhiw dhragon, my ha Haman yns. 3e An kenedhlow, an re devedhys war-barth rag distrui hanow an Yedhewon yns i. 3f Ha'm kenedhel vy, honn yw Ysrael, a grias war Dhuw hag a veu sawys. Rag an Arloedh re sawyas y bobel, ha'n Arloedh re'gan delivras dhiworth oll an drogow ma, ha Duw re wrug toknys ha marthusyon bras, na veu gwrys bythkweth yn mysk an kenedhlow. 3g Yndella, y feu dew brenn tewlys ganso, onan rag pobel Duw hag onan rag oll an kenedhlow; 3h ena an eur ha'n seson a dheuth rag an dhew brenn ma dhe vos tewlys, breus Duw war oll an kenedhlow. 3i Ytho Duw a borthas kov a'y bobel, hag a dheklaryas y eretons gans favour. 3k Yndella, y fydh an dydhyow ma dhedha y'n mis Adar, an peswardhegves ha'n pymthegves dydh a'n mis, gans kuntelles, ha lowender, ha heudhder a-dherag Duw, a henedh dhe henedh bynitha yn mysk y bobel Ysrael.’

3l 10:3k Yn KJV an gwers ma yw niverys 11:1. Y'n peswora blydhen a reyn Ptolemeus ha Kleopatra, Dositheus, neb a leveris y vos oferyas ha Levyas, ha Ptolemeus y vab, a dhros a-ji10:3 a dhros a-ji: Martesen an styr yw, a dhros dhe Ejyp. an epystyl dyllys omma a-dro dhe Purim, anodho may lavarsons y vos an keth huni, hag y'n treylsa Lysimaghus mab Ptolemeus, a vedha yn Yerusalem.