1‘Yn kynsa blydhen Darius, an Med, my11:1 my: Henn yw Gabriel. a sevis rag y gennertha ha'y skoedhya.

2‘Ha lemmyn y tispletyav dhis an gwiryonedh. Otta, y hwra tri myghtern moy sevel yn Persia, hag y fydh an peswora moy rych yn feur agessa i oll; ha pan vydh ev galloesek dre y rychys, y hwra ev dhe beub difuna erbynn an ruvaneth Grek. 3Ena myghtern galloesek a sev, neb a wra rewlya gans galloes meur, ow kul herwydh y vodh. 4Ha kettell sev, y ruvaneth a vydh terrys ha rynnys dhe'n peswar gwyns a nev; ny vydh res dh'y dhiyskynnysi, na herwydh an galloes dredho may rewlyas ev, rag y ruvaneth a vydh diwreydhys, ha res dhe gen re.

5‘Ena myghtern an dhyghowbarth a vydh krev, mes onan a'y brynsys a vydh kreffa agesso, ha'y ruvaneth a vydh brassa es y ruvaneth ev. 6Dhe benn an blydhynyow i a wra keffrysyans, ha myrgh myghtern an dhyghowbarth a dheu bys yn myghtern an gledhbarth rag gul kres. Mes ny wra hi gwitha nerth hy bregh; ha ny wra ev na'y fleghes11:6 na'y fleghes: Amendys war-lergh Theodotion. Ebrow na'y vregh. pesya; y'n termynyow na hi a vydh traytys, war-barth gans an re a's kyrghas, ha'y flogh,11:6 ha'y flogh: Amendys war-lergh Theodotion. Ebrow hy thas. ha neb a's skoedhyas. 7Ena skorrenn a'y gwreydhyow hi a sev yn y11:7 yn y le ev: Henn yw yn le myghtern Ejyp. le ev; ev a dheu erbynn an lu hag entra ker myghtern an gledhbarth, ha strivya er aga fynn, ha tryghi. 8Ynwedh ev a dheg aga duwow yn keth dhe Ejyp, gans aga delowyow teudh, ha'ga lestri drudh a arghans hag a owr; ha dre vlydhynyow ny wra ev mellya gans11:8 ny wra ev mellya gans: Ebrow ev a sev dhiworth. myghtern an gledhbarth. 9Hemma11:9 Hemma: Henn yw myghtern an gledhbarth. a wra dos bys yn ruvaneth myghtern an dhyghowbarth, ha dehweles dh'y dir y honan.

10‘Y vebyon a ombareus rag kas ha kuntell routh a luyow meur, neb a wra entra, fenna ha treusi, ha gwerrya bys yn y ger. 11Ena myghtern an dhyghowbarth a vydh serrys fest, dos yn-mes ha batalyas orto, orth myghtern an gledhbarth, neb a guntell ost bras, mes an ost na a vydh gorrys yn y dhorn. 12Pan vo an ost na kemmerys dhe-ves, y golonn a vydh ughelhes,11:12 y golonn a vydh ughelhes: Henn yw kolonn myghtern an dhyghowbarth. hag ev a wra dhe dheg-milyow koedha, mes ny wra ev tryghi. 13Rag myghtern an gledhbarth a dhehwel, ha kuntell ost brassa ages an kynsa; orth diwedh nebes blydhynyow y teu gans lu bras ha daffar pals.

14‘Y'n termynyow na y hwra lies sevel erbynn myghtern an dhyghowbarth, ha'n dus dhilagha yn mysk dha bobel a sev rag kewera an welesigeth; mes fyllel a wrons. 15Ena myghtern an gledhbarth a dheu, ha krugya gweyth-esedhva, ha kemmeres sita krev hy fosow. Ny wra breghow an gledhbarth perthi, na'y soudoryon dhewisys, rag ny vydh dhedha nerth dhe sevel er y bynn. 16Neb a dheu er y bynn a wra herwydh y vodh, ha den ny yll sevel a-ragdho; ev a sev y'n tir splann, gans distruyans yn y dhorn. 17Ev a wra settya y fas dhe dhos gans nerth y ruvaneth oll, ha gul keffrysyansow;11:17 keffrysyansow: Amendys, cf. 11:6. Ebrow gwiryonedhow. hag ev a re dhe vyghtern an dhyghowbarth myrgh yn demmedhyans, rag distrui an ruvaneth;11:17 hag ev a re dhe vyghtern an dhyghowbarth myrgh yn demmedhyans, rag distrui an ruvaneth: Ebrow hag ev a re dhodho myrgh an benynes rag hy distrui. mes ny sev an towl, na bos dh'y les. 18Ena y hwra treylya y fas war-tu ha'n ynysow, ha kemmeres lies anedha; mes kaslewydh a worfenn y donteth, hag ev a'n pren drefenn y donteth. 19Ena y hwra treylya y fas orth keryow y vro ev; mes y hwra trebuchya ha koedha heb bos kevys.

20‘Yn y le y hwra sevel onan neb a dhannvon toller dhe ynkressya splannder an ruvaneth; mes a-ji nebes dydhyow y fydh ev distruys, ha ny vydh dre sorr na dre vatel. 21Yn y le y hwra sevel onan dispresadow, ma nag yw res dhodho meuredh ryel; ev a dheu yn termyn a gres, ha gwaynya an ruvaneth dre doell. 22Luyow11:22 Luyow: Ebrow Breghow. a vydh skubys dhe-ves a-ragdho gans liv, hag a vydh terrys, ha hembrenkyas an kevambos keffrys.11:22 Po amendyans gans liv, ha'n hembrenkyas a gevambos a vydh terrys ynwedh. 23Ha wosa gul kevambos ganso, y hwra toell, ha dos ha bos krev gans boghes a dus. 24Dison y hwra dos yn tiredhow feyttha an rannvro, hag y hwra an pyth na wrug y dasow na tasow y dasow. Ev a lesrann yntredha preydh, pyllansow ha pythow. Tewlel y dowlow a wra erbynn keryow, saw unnsel bys yn unn prysweyth. 25Ev a dhifun y nerth ha'y golonnekter erbynn myghtern an dhyghowbarth gans lu bras; ha myghtern an dhyghowbarth a ombareus rag kas gans lu bras ha galloesek dres eghenn; mes ny wra sevel, rag i a wra brasow er y bynn. 26An re a dheber y voes a wra y dhiswul; y lu a vydh skubys dhe-ves gans liv, ha lies a wra koedha, ledhys. 27Kolonn an dhew vyghtern a vydh parys dhe wul drog; orth an keth voes y hwrons gowleverel, mes yn euver, rag y fydh an diwedh orth an prys apoyntys. 28Ev11:28 Ev: Henn yw myghtern an gledhbarth. a wra dehweles dh'y vro gans pythow bras, mes y fydh y golonn treylys erbynn an kevambos sans; ev a wra kowlwul y vodh ha dehweles dh'y vro.

29‘Dhe'n prys apoyntys, ev a dheu arta dhe'n dhyghowbarth, mes an dro ma ny vydh avel an dro kyns. 30Rag y hwra gorholyon Kittim dones er y bynn, hag own a'n jevydh hag omdenna. Ena ev a dhyllo y sorr erbynn an kevambos sans. Ev a dhehwel ha ri enor dhe'n re neb a as an kevambos sans. 31Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.11:31 an difeythter: Ow siwya an Septuagint. Ebrow nebonan ow kawsya difeythter. 32Ha'n re a gammdremen erbynn an kevambos, ev a wra aga flattra yn fekyl; mes an bobel a aswonn aga Duw a vydh krev ha gul gweyth. 33An re fur yn mysk an bobel a dhysk lies, mes i a goedh der an kledha, dre flammow, dre gethneth ha dre ravna, nebes dydhyow. 34Pan goedhons, y's tevydh nebes sokor, ha lies a wra junya gansa dre flattra. 35Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

36‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys. 37Ny wra vri orth duwow y dasow, na hwath orth an duw kerys gans benynes,11:37 an duw kerys gans benynes: An duw Tammuz (Adonis). nag orth duw arall vytholl, rag a-ughta i oll ev a omvoghha. 38Yn le an re ma, ev a enor duw an keryow; duw na vedha aswonnys gans y dasow a wra ev enora gans owr hag arghans, gans meyn drudh ha rohow kostek. 39Ev a omsett erbynn keryow krev gans gweres duw estren,11:39 Ev a omsett erbynn keryow krev gans gweres duw estren: Po amendyans Ev a worr pobel duw estren y'n keryow rag aga defens. ha neb a wra y aswonn ev a meurha gans enor, ha'ga gul dhe vos rewloryon war lies; ha kevrenna an tir avel gober.11:39 avel gober: Po rag pris.

Prys an Diwedh

40‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv. 41Ena ev a dheu y'n tir splann, ha lies a wra trebuchya; mes an re ma a dhienk a'y dhorn: Edom ha Moab ha'n brassa rann a vebyon Ammon. 42Ev a ystynn y dhorn erbynn tiryow, ha ny wra pow Ejyp skapya. 43Ev a vydh rewler war withvaow kudh a owr hag arghans, hag oll an tresoryow a Ejyp; tus Libya hag Ethiopia a ombleg dhodho. 44Mes nowodhow a'n howldrevel ha'n gledhbarth a wra y drobla, hag y hwra ehwias yn unn fernewi rag distrui ha kowlladha lies. 45Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.