Gorthyp an Bobel

1Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur. 2Shekania mab Yehiel, a vebyon Elam, a worthybis ow leverel dhe Ezra, ‘Ni re beu dislel dh'agan Duw, ow kemmeres gwragedh estren a-dhiworth poblow an pow. Byttegyns lemmyn yma govenek yn Ysrael a-dro dhe'n mater ma. 3Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha. 4Sa'bann; rag dha dhever jy yw hemma, ha ni a vydh genes. Bydh krev, ha'n gwra.’ 5Ena Ezra a sevis, ha gul dhe ledyoryon an oferysi, an Levysi, hag oll Ysrael ti i dhe wul herwydh an lavar ma. Hag i a dos ti.

Gwragedh Estren Dannvenys Dhe-ves

6Ena Ezra a omdennas dhiworth klos chi Duw, hag eth yn hel Yehohanan mab Elyashib. Pan dheuth ena, ny dhybris ev bara, nag eva dowr; rag yth esa ow kyni war dhislelder an dhivresow. 7Ena i a dhellos galow dre Yuda ha Yerusalem bys oll mebyon an divroedh, mayth omguntellens war-barth yn Yerusalem. 8Piwpynag na vynna dos a-ji dhe dri dydh, herwydh ervirans an bennsevigyon ha'n henavogyon, bedhes kowldhistruys oll y bythow, hag ev y honan diberthys a-dhiworth kuntelles an dhivresow.

9Oll gwer Yuda ha Benyamin a omguntellas yn Yerusalem a-ji dhe dri dydh. An nawves mis o, ugensves dydh an mis. Oll an bobel a esedhas y'n plen a-rag chi Duw, ow krena drefenn an mater ma, ha drefenn an glaw meur. 10Ezra an oferyas a sevis yn-bann, ha leverel dhedha, ‘Hwi re beu dislel, ha kemmeres gwragedh estren, ha moghhe kammweyth Ysrael. 11Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’ 12Ena oll an kuntelles a worthybis ha leverel gans lev ughel, ‘Dell leversys jy, res yw dhyn y wul. 13Mes yma meur a bobel, ha termyn a law yw, ma na yllyn ni sevel a-ves; ynwedh nyns yw hemma ober dhe unn jydh po dhew: rag lies ahanan re gammdremenas y'n mater ma. 14Lemmyn gwres agan rewloryon bos yn le oll an kuntelles, ha gwres oll trigys yn agan sitys hag a gemmeras gwragedh estren dos yn termynyow apoyntys, ha gansa henavogyon ha breusysi pub sita, bys pan vo sorr fell agan Duw drefenn an mater ma treylys dhiworthyn.’ 15Yonathan mab Asahel ha Yahzia mab Tikva hepken a omsettyas orth hemma, ha Meshullam ha Shabbethay an Levyas a's skoedhyas.

16Hag yndellma y hwrug mebyon an divroedh. Ezra an oferyas a dhewisas gwer, pennow teyluyow, herwydh chi aga thasow, hag i oll orth hanow, a veu diberthys, hag esedha yn kynsa dydh an degves mis may hwithrens an mater. 17Hag i a worfennas dyghtya oll an wer a gemmeras gwragedh estren erbynn an kynsa dydh a'n kynsa mis.

18Yn-mysk mebyon an oferysi, an re a siw re gemmersa gwragedh estren. A vebyon Yeshua mab Yosadak, ha'y vreder: Maaseya, Eliezer, Yarib, ha Gedalia. 19I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth. 20A vebyon Immer: Hanani, ha Zebadia. 21A vebyon Harim: Maaseya, Elias, Shemaia, Yehiel, hag Uzzia. 22A vebyon Pashhur; Elyoenay, Maaseya, Yshmael, Nethaneel, Yozabad, hag Elasa.

23A'n Levysi: Yozabad, Shimei, Kelaya, (honn yw Kelita10:23 Kelita: Martesen les-hanow; yw dhe styrya Evredh.), Pethahia, Yuda, hag Eliezer. 24A'n ganoryon: Elyashib. A'n borthoryon: Shallum, Telem, hag Uri.

25Yn-mysk an re erell a Ysrael: A vebyon Parosh: Ramia, Yzzia, Malkia, Miyamin, Eleazar, Malkia, ha Benaya. 26A vebyon Elam: Mattania, Zekaria, Yehiel, Abdi, Yeremoth, hag Elias. 27A vebyon Zattu: Elyoenay, Elyashib, Mattania, Yeremoth, Zabad, hag Aziza. 28A vebyon Bebay: Yehohanan, Hanania, Zabbay, hag Athlay. 29A vebyon Bani: Meshullam, Malluk, Adaya, Yashub, Sheal, ha Yeremoth. 30A vebyon Pahath-moab: Adna, Kelal, Benaya, Maaseya, Mattania, Bezalel, Binnuy, ha Manasse. 31A vebyon Harim: Eliezer, Ysshia, Malkia, Shemaia, Simeon, 32Benyamin, Malluk, ha Shemaria. 33A vebyon Hashum: Mattenay, Mattatta, Zabad, Elifelet, Yeremay, Manasse, ha Shimei. 34A vebyon Bani: Maaday, Amram, Uel, 35Benaya, Bedia, Keluhi, 36Vania, Meremoth, Elyashib, 37Mattania, Mattenay, ha Yaasu. 38A vebyon Binnuy:10:38 A vebyon Binnuy: Amendys. Ebrow ha Bani ha Binnuy. Shimei, 39Shelemia, Nathan, Adaya, 40Maknadebay, Shashay, Sharay, 41Azarel, Shelemia, Shemaria, 42Shallum, Amaria, ha Yosep. 43A vebyon Nebo; Yeiel, Mattithia, Zabad, Zebina, Yadday, Yoel, ha Benaya. 44Oll an re ma a gemmeras gwragedh estren, ha re anedha i a's dannvonas dhe-ves gans aga fleghes.