Lagha po Fydh

1A hwi dus Galatia, dus foll! Piw re'gas husas,3:1 husas: War-lergh re a'n dornskrifowhusas, ma nag owgh gostydh dhe'n gwir. may feu diskwedhys dherag agas lagasow Yesu Krist dhe vos krowsys? 2Hemma unnsel a vynnav dyski genowgh: A dhegemmersowgh hwi an Spyrys der oberow an lagha po dre grysi an pyth a glewsowgh?3:2 po dre grysi an pyth a glewsowgh: Greka po dre glewans a fydh. 3Owgh hwi mar foll? Hwi a dhallathas gans an Spyrys: esowgh owth assaya diwedha lemmyn gans an kig? 4A wodhevsowgh kemmys yn euver – a pe yn euver devri? 5Ev neb a dharbar ytho an Spyrys dhywgh hag oberi gans galloes ynnowgh, a wra ev y wul der oberow an lagha po dre grysi an pyth a glewsowgh?3:5 po dre grysi an pyth a glewsowgh: Greka po dre glewans a fydh. 6Kepar dell ‘grysis Abraham yn Duw hag akontys veu hemma dhodho rag ewnder’, 7godhvydhewgh ytho an re ma, an dus a fydh, dhe vos mebyon Abraham. 8Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’, 9ytho an re a fydh yw benniges war-barth gans Abraham, an den a fydh.

10Rag myns a fydh yn oberow an lagha yn-dann molleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’ 11Apert yw nag yw denvyth justifiys der an lagha a-wel dhe Dhuw, rag ‘An den gwiryon a vew dre fydh.’ 12Nyns yw an lagha selys war fydh, mes, ‘Neb a wrello an oberow a vew ynna.’ 13Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’, 14may teffo bennath Abraham dhe'n Jentilys yn Krist Yesu, may kemmerryn ni ambos an Spyrys dre fydh.

An Lagha ha'n Ambos

15A vreder, my a gews herwydh ensampel den a'n bys ma. Kemmynnskrif neb den, pan vo fastys, ny'n defend denvyth, na ny worr denvyth gorhemmynnow erell ynno. 16Y feu leverys an ambosow dhe Abraham ‘Ha dh'y hasenn.’ Ny leverir ‘Ha dhe'n hasennow’, kepar dell ve a-dro dhe lies, mes a-dro dhe onan, ‘Ha dhe'th hasenn’, hag yw Krist. 17Mes my a lever hemma: kevambos fastys kyns gans Duw, nyns yw defendys gans an lagha a dheuth peswar kans blydhen ha deg warn ugens a-wosa, may fo an ambos diswrys. 18Rag mars yw an eretons devedhys a'n lagha nyns usi ev a'n ambos namoy; Duw a'y ras a'n ros dhe Abraham dre gevambos.

19Prag ytho an lagha? Keworrys veu3:19 Keworrys veu: Henn yw, keworrys dhe'n ambos. drefenn drogoberow, erna dheffo an hasenn may feu gwrys dhedhi an ambos, ordenys der eledh, yn leuv mayn. 20Nyns yw mayn neppyth unnsel rag unn parti, mes Duw yw onan.

Porpos an Lagha

21Ytho yw an lagha erbynn ambosow Duw? Bynner re bo! Rag mar pe lagha res a allsa bewhe, ewnder a via devri dhiworth lagha; 22mes an Skryptor re dhegeas pup-tra yn-dann begh may fo an ambos dre fydh yn Yesu Krist res dhe'n re a grys.3:22 may fo an ambos dre fydh yn Yesu Krist res dhe'n re a grys: Po may fo an ambos res, dre fydh Yesu Krist, dhe'n re a grys.

23Kyns bos fydh devedhys, yth eson ni gwithys yn-dann lagha, prisonys bys pan ve an fydh diskudhys wortiwedh, 24ytho an lagha o agan mester orth agan dri war-tu ha Krist, rag may fen ni justifiys dre fydh; 25ha fydh devedhys, nyns on ni yn-dann vester namoy. 26Rag yth owgh hwi oll mebyon Duw dre fydh yn Krist Yesu, 27rag myns ahanowgh a veu besydhys yn Krist a wiskas Krist. 28Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu, 29ha mars owgh hwi dhe Grist, ytho yth owgh hwi has Abraham, heryon herwydh ambos.