Gonis Kemmeradow dhe Dhuw

1Pesyes kerensa dhe breder. 2Na ankevewgh wolkomma estrenyon, rag yndellma nebes re wolkommas eledh heb y wodhvos. 3Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf. 4Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon. 5Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’ 6Ytho, ni a lever yn kolonnek,

‘An Arloedh yw ow gwereser,

ny'm bydh own;

pandr'a yll den gul dhymm?’

7Perthewgh kov a'gas hembrenkysi, an re a gewsis ger an Arloedh dhywgh; prederewgh a siwyans aga bewedh ha gul war-lergh aga fydh. 8Yesu Krist yw an keth de ha hedhyw ha bys vykken. 9Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha. 10Ni a'gan beus alter ma na's teves an re a serv an tabernakel an gwir dhe dhybri anodho. 11Rag korfow an enyvales na, ha'ga goes kyrghys a-ji dhe'n sentri gans an arghoferyas yn sakrifis rag peghosow, yw leskys yn-mes a'n kamp. 12Yndellma, Yesu a wodhevis yn-mes a'n yet rag sanshe tus der y woes. 13Ytho deun yn-rag dhodho yn-mes a'n kamp ha doen y vismer ev ganso. 14Rag omma ny'gan beus sita a dhur, mes y hwilyn an sita dhe dhos. 15Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow. 16Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

17Bedhewgh gostydh dh'agas hembrenkysi hag uvel dhedha; rag ymons i ow koelyas a-barth agas enev, avel tus a goedh ri reknans; gesewgh i dhe wul hemma yn lowen, heb kyni yn tristans, rag ny via henna dh'agas les.

18Pysewgh a'gan govis ni, rag sur on ni bos kowses da dhyn, ow mynnes omdhegi yn enor yn pup-tra. 19My a'gas pys a wul hemma yn tiwysyk may fiv daskorrys dhywgh dhe skonna.

Bennath ha Charj Diwettha

20Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken, 21re'gas provio gans pub tra vas13:21 pub tra vas: War-lergh re a'n dornskrifow yn pub ober mas. may hwryllowgh y vodh, ow kul ynnon13:21 ynnon: War-lergh re a'n dornskrifow ynnowgh. an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari.13:21 War-lergh re a'n dornskrifow nyns usi omma an geryow ha bynnari. Amen.

22Ha my a'gas pys, breder, a wul vri a'm ger a gennerth, rag my dhe skrifa war verr lavarow. 23Godhvydhewgh bos livrys agan broder Timothi, gans neb my a'gas gwel, mar teu yn skon. 24Salusewgh agas hembrenkysi ha'n syns oll. An re a Itali a'gas salus. 25Bedhes gras genowgh hwi oll. Amen.13:25 War-lergh re a'n dornskrifow nyns eus omma Amen.