Yesu Ughella ages Moyses

1Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans; 2neb o len dhe neb a'n ordenas, kepar dell o Moyses len yn oll3:2 oll: War-lergh niver byghan a dhornskrifow nyns usi omma an ger ma. chi Duw. 3Mes Yesu re beu reknys gwiw dhe gemmys moy a glori ages Moyses, par dell yw neb a dhrehevis chi moy enorys ages an chi y honan. 4Rag pub chi yw drehevys gans nebonan, mes neb a dhrehevis pup-tra yw Duw. 5Lemmyn Moyses o len yn oll chi Duw avel gwas, dhe desta dhe'n traow a vedha kewsys a-wosa, 6mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.3:6fyrv dhe'n diwedh: War-lergh re a'n dornskrifow nyns usi omma an geryow ma.

Powesva dhe Bobel Duw

7Ytho, dell lever an Spyrys Sans,

‘Hedhyw, mar klewowgh y lev,

8na galeshewgh agas kolonn avel y'n rebellyans,

war dhydh an prevyans y'n gwylvos,

9le ma'm gorras agas tasow dhe'n prov,

ha gweles ow oberow dres dewgens blydhen.

10Yndella, serrys en gans an henedh ma,

hag y leveris, “Pup-prys yth ons yn stray yn aga holonn;

ny aswonnsons ow fordhow vy.”

11Dell wrugavy ti y'm sorr,

“Ny wrons entra y'm powesva.” ’

12Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew. 13Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow. 14Rag ni a gevrenn yn Krist pan synsyn agan kynsa fydhyans fyrv dhe'n diwedh. 15Dell veu leverys,

‘Hedhyw mar klewowgh y lev,

na galeshewgh agas kolonn avel y'n rebellyans.’

16Piw ens a glewsons mes heb rebellya na hwath? A nyns ens oll an re a asas Ejyp yn-dann Moyses? 17Ha piw gansa y feu serrys dew-ugens blydhen? A nyns o gans an re a beghas, ha'ga horfow koedhys y'n gwylvos? 18Ha piw dhodho y hwrug ev ti na dheffens yn y bowesva, marnas dhe'n re o diwostydh? 19Ytho, ni a wel na allsons entra drefenn diskryjyans.