Kerensa Duw orth Ysrael

1Pan veu Ysrael flogh my a'n karas,

hag yn-mes a Ejyp my a elwis ow mab.

2Dhe voy y hwrugavy aga gelwel,

dhe bella yth ethons dhiworthiv,11:2 Ow siwya an Septuagint. Ebrow Dhe voy y halwsons dhedha, dhe bella yth ethons anedha.

ow sakrifia dhe Baalim, hag ow leski offrynnow dhe imajys.

3My a dhyskas dhe Efraym kerdhes,

orth y gemmeres er y dhiwvregh;

mes ny wodhyens my dh'aga sawya.

4My a's tennas gans kerdyn denel,

gans lovonow kerensa;

hag yth en vy kepar ha neb

a dhrehav an yew a'ga honna,

ha my a blegyas dh'y vaga.

5Ny dhehwel dhe bow Ejyp,

mes Assyria11:5 Po amendyans Ev a dhehwel dhe Ejyp, hag Assyria. a vydh y vyghtern,

rag i a skonyas a dhehweles dhymm.

6An kledha a wra troyllya erbynn y sitys,

ha distrui an varrys a'y yetys,11:6 distrui an varrys a'y yetys: Po distrui y oferysi-dhargan.

ha'ga dybri drefenn aga thowlow.

7Ow fobel yw ervirys dhe dreylya ahanav vy.

I a elow war-vann,11:7 I a elow war-vann: Po amendyans I a elow dhe Baal.

mes ny wra ev aga ughelhe.

8Fatell y'th hepkorrav, Efraym?

Fatell y'th taskorrav, Ysrael?

Fatell y'th wrav avel Adma?

Fatell y'th hworrav avel Seboim?

Ow holonn re dreylyas a-ji dhymm,

oll ow thruedh re dhewis.

9Ny gowlwrav ow honnar fell;

ny dhehwelav dhe dhistrui Efraym:

rag Duw ov vy a-der gour;

an Sans yn agas mysk,

ha ny dhov vy yn sorr.

10I a gerdh war-lergh an Arloedh;

Ev a wra usa avel lew.

Pan wra ev usa,

fleghes an howlsedhes a gren.

11I a gren avel edhen yn-mes a Ejyp,

avel kelemmi yn-mes a Assyria.

My a wra dhedha triga yn aga threvow,

yn-medh an Arloedh.

12Efraym a'm kylghyas gans gowyow,

ha chi Ysrael gans gil.

Hag yma Yuda hwath ow mos a-dro gans Duw

drefenn y vos len gans an syns.11:12 An wers ma yw niverys 12:1 y'n tekst ebrow ha'n Septuagint, mes 11:12 y'n Vulgat hag yn brassa rann an treylyansow sowsnek.