Dislelder Ysrael

1Gorr hirgorn dhe'th hanow;

ev a varges avel er a-ugh chi an Arloedh,

rag i dhe derri ow hevambos,

ha rebellya erbynn ow lagha.

2I a wra garma dhymmo vy,

‘Ow Duw: ni, Ysrael, a'th aswonn!’

3Ysrael re naghas dader; eskar a wra y helghya.

4I re wrug myghternedh, mes nyns yns i ahanav;

i re wrug pennternedh, heb godhvos dhymm.

Gans aga arghans ha'ga owr y hwrussons imajys

may fens kisys.

5Ev re naghas dha leugh,8:5 Ev re naghas dha leugh: War-lergh an Septuagint Nagh dha leugh. Samaria!

Ow sorr a loskas er aga fynn.

Pes termyn ny allons kavoes glander?

6Rag dhiworth Ysrael yth yw!

Ser a'n gwrug,

ha nyns yw Duw.

Leugh Samaria

a vydh skyrr.

7I re hasas an gwyns,

ha mysi an korwyns.

Garrow an ys ny's teves penn;

ny wra bleus.

Mar kwrello greun,

ena estrenyon a wra y lenki.

8Ysrael yw kollenkys;

lemmyn yth yns i yn mysk an kenedhlow

kepar ha lester diles.

9Rag gyllys yns yn-bann dhe Assyria,

avel asen gwyls digoweth.

Efraym re arvethas keryadesow.8:9 Efraym re arvethas keryadesow: Po Efraym re omwerthas dhe geryadesow.

10Kynth arvethsons yn mysk an kenedhlow,

lemmyn my a wra aga huntell,

hag i a hedh pols byghan

a untya myghtern ha pennternedh.8:10 Ow siwya an Septuagint. Ebrow hag i a dhallathas lehe drefenn begh an myghtern a bennternedh.

11Kyn hwrug Efraym lies alter rag offrynn peghes,

i res eth ha bos alteryow rag peghes.

12Kyn skrifav ragdho ordenansow diniver ow lagha,

akontys yns avel neppyth astranj.

13I a sakrifi rohow dhymmo vy,

i a dheber an kig;

mes an Arloedh ny gemmer plesour ynna.

Lemmyn ev a berth kov a'ga sherewneth,

ha kessydhya aga feghosow:

dhe Ejyp y tehwelons.

14Ysrael re ankovas y Wrier,

ha re dhrehevis palesyow;

ha Yuda re wrug lies sita gerys.

Mes my a dhannvon tan yn y sitys

a dhevor y gastylli.