Kessydhyans rag Peghes Ysrael

1Na lowenha, Ysrael,

na heudh kepar ha'n kenedhlow,

rag ty re beu dislen dhe'th Duw;9:1 rag ty re beu dislen dhe'th Duw: Ebrow rag ty re wrug fornikasyon a-dhiworth dha Dhuw.

ty a garas gober hora

war bub leur-drushya.

2Ny wra an leur-drushya na'n gwinwask aga boesa,

ha'n gwin nowydh a's toell.

3Ny drigons yn tir an Arloedh;

Efraym a dhehwel dhe Ejyp,

ha dybri taklow avlan yn Assyria.

4Ny dhiverons offrynnow gwin dhe'n Arloedh,

ha ny vydh aga sakrifisow plegadow dhodho.

Y fydh dhedha avel bara kynvann,

peub neb a'n deber a vydh avlan:

aga bara yw ragdha aga honan;

ny dheu yn chi an Arloedh.

5Pandr'a wrewgh hwi y'n dy'goel apoyntys,

hag yn dydhyow goel an Arloedh?

6Awotta, galsons drefenn kollva,

Ejyp a's kuntell,

Memfis a wra aga ynkleudhyas.

Hwynn a erit aga thresoryow a arghans,

ha spern a vydh yn aga thyldow.

7Dydhyow an kessydhyans re dheuth,

dydhyow an dial re dheuth.

Ysrael a'n godhvydh.

An profoes yw boba,

an gour spyrysel yw muskok,

drefenn dha lies kammhynseth,

ha'n kas meur.

8An profoes, gans ow Duw, yw an goelyador war Efraym;9:8 Po amendyans An profoes yw an goelyador war Efraym, pobel ow Duw.

yma antell ydhna yn oll y fordhow,

ha kas yn chi y Dhuw.

9Galsons down yn podredhes,

avel yn dydhyow Gibea.

Ev a berth kov a'ga hammhynseth,

ha kessydhya aga feghosow.

10My a gavas Ysrael,

avel grappys y'n gwylvos;

my a welas dha dasow,

ev a veu avel an frut a-varr a'n figbrenn,

y gynsa frut.

Mes i a dheuth dhe Baal-peor,

hag omsakra dhe'n imaj methus,

hag ethons ha bos mostedhes avel an taklow kasadow a garsons.

11Golewder Efraym a nij dhe-ves avel edhen,

heb dineythyans, heb torr, heb omdhoen.

12Kyn hwrellons meythrin aga fleghes,

my a gemmer pubonan dhe-ves, ma na vo denvyth gesys.

Go-i pan dreylyav anedha!

13Efraym, dell welis vy, re dhestnas y fleghes dhe vos preydh;9:13 re dhestnas y fleghes dhe vos preydh: Amendys. An Ebrow yw ansertan.

hag Efraym a dal dri yn-mes y fleghes dhe'n denledhyas.

14Ro dhedha i, Arloedh!

pandr'a redh?

Ro dhedha i torr a gyll hy askorr,

ha diwvronn sygh.

15Yma oll aga droktra yn Gilgal;

ena my a's kasas.

Drefenn aga drogoberow,

my a wra aga fesya a'm chi.

Ny wrav vy aga hara namoy;

oll aga fennsevigyon yw penn-kales.

16Efraym yw gweskys,

aga gwreydhenn yw sygh;

ny askorrons frut.

Ynwedh mar tineythons,

my a ladh an fleghes karadow a'ga thorr.

17Ow Duw a wra aga denagha,

drefenn na woslowsons orto;

i a vydh gwandrysi yn mysk an kenedhlow.