Demmedhyans an Profoes ha'y Vebyon

1Ger an Arloedh hag a dheuth dhe Hosea mab Beeri, yn dydhyow Uzzia, Yotham, Ahaz, Hezekia, myghternedh Yuda, hag yn dydhyow Yeroboam mab Yoash, myghtern Ysrael.

2Hemm yw dalleth ger an Arloedh dhe Hosea. An Arloedh a leveris dhe Hosea, ‘Ke, kemmer dhis dha honan gwreg a fornikasyon ha fleghes a fornikasyon, a-ban wrug an tir fornikasyon meur, ow tiberth dhiworth an Arloedh.’ 3Ytho ev eth ha kemmeres Gomer myrgh Diblaym, ha hi a omdhuk ha dineythi dhodho mab.

4An Arloedh a leveris dhodho, ‘Hanw e Yezreel, rag hwath pols byghan kessydhya a wrav chi Yehu drefenn ladhva Yezreel, ha gorra diwedh dhe vyghterneth chi Ysrael. 5Y'n jydh na my a wra dralya gwarak Ysrael yn glynn Yezreel.’

6Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama,1:6 Lo-ruhama: Styr an hanow yw Ny gavas truedh. rag ny gemmerav vy truedh a ji Ysrael byth moy, na ny wrav vy aga gava mann. 7Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

8Wosa didhena Lo-ruhama, hi a omdhuk ha dineythi mab. 9Ena an Arloedh a leveris, ‘Hanw e Lo-ammi,1:9Lo-ammi: Styr an hanow yw Nyns yw ow fobel. a-ban nyns owgh hwi ow fobel, ha nyns ov vy agas Duw.’

Restorita

10Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’ 1:10 1:10–2:23 yw niverys 2:1-25 y'n tekst ebrow ha'n Septuagint. 11Fleghes Yuda ha fleghes Ysrael a vydh kuntellys war-barth, hag apoyntya a wrons unn penn ha dos yn-bann dhiworth an tir, rag meur a vydh dydh Yezreel.