Grasyans ha Gormel

1Y'n jydh na ty a lever:

My a'th wormel, A Arloedh,

rag kyn feus serrys orthiv,

dha sorr re dreylyas dhe-ves,

ha ty a'm konfortyas.

2Otta, Duw yw ow selwyans;

my a fydh, ha ny borthav own,

rag an Arloedh Duw yw ow nerth ha'm kan,

hag ev yw ow selwyans.

3Hwi a denn dowr gans lowena dhiworth an fentynyow a selwyans. 4Y'n jydh na hwi a lever:

Gormelewgh an Arloedh,

gelwewgh war y hanow;

gwrewgh y wriansow godhvedhys yn mysk an poblow,

deklaryewgh y hanow dhe vos ughelhes.

5Kenewgh dhe'n Arloedh, rag ev re wrug oberow bryntin;

gwra hemma godhvedhys yn oll an norvys.

6Garm ha kan yn lowen, annedhyas Sion,

rag bras yw Sans Ysrael y'n kres ahanas.