1Y'n vlydhen may teuth dhe Ashdod an Pennkaslewydh, a veu dannvenys gans Sargon myghtern Assyria, ha batalyas orth Ashdod ha'y hemmeres – 2y'n termyn na an Arloedh a gewsis der Ysay mab Amos, ow leverel, ‘Ke ha destrypp an yskar a-dhiwar dha dhiwglun, ha digolm dha sandalyow dhiworth dha dreys.’ Hag ev a'n gwrug, ow kerdhes noeth ha dieskis.

3Ena an Arloedh a leveris, ‘Kepar dell esa ow gwas Ysay ow kerdhes noeth ha dieskis avel tokyn erbynn Ejyp ha Kush, 4yn kettellma myghtern Assyria a led Ejyp dhe-ves avel kethyon, ha Kush avel divresow, yowynk ha hen, noeth ha dieskis, gans diwbedrenn lomm, meth dhe Ejyp. 5I a vydh dyegrys, ha meth a's tevydh drefenn Kush aga govenek, hag Ejyp aga glori. 6Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’