Profoesans a-dro dhe Tyr

1Profoesans a-dro dhe Tyr.

Oulyewgh, a worholyon Tarshish;

rag gwastys yw, heb chi, heb porth.

Dhiworth pow Kyprus

yw diskudhys dhedha.

2Tewewgh, annedhysi an arvor,

marchons Sidon;

yth esa dha gannasow ow tremena dres an mor23:2 dha gannasow ow tremena dres an mor: Amendys.

3war dhowrow meur;

greun Shihor o hy threvas,

askorr an Nil;

hag yth es marchont an kenedhlow.

4Kemmer meth, Sidon, rag an mor re gewsis,

kastell an mor, ow leverel,

‘Ny veuv yn lavur na ny dhineythis,

ny vegis gwer grev

na ny veythris gwyrghesow.’

5Pan dheu an nowodhow dhe Ejyp,

i a vydh yn angoes war dherivas Tyr.

6Treusewgh dhe Tarshish,

oulyewgh, annedhysi an arvor!

7Yw homma acheson agas lowena,

neb a veu hy dallethvos dhiworth an dydhyow koth,

ha'y threys a's dros

a-bell dhe driga?

8Piw a gusulyas hemma erbynn Tyr,

neb a ri kurunyow,

neb yw hy marchons pennternedh,

ha'y henwerthoryon yw an re enorys a'n nor?

9Arloedh an luyow a'n kusulyas,

rag uvelhe goeth an splannder oll,

ha rag shamya oll an re enorys a'n nor.

10Tremen dre dha dir avel an Nil,

myrgh Tarshish;

rag ny'th eus kay byth moy.

11Ev re ystynnas y leuv war an mor,

ev re shakyas gwlaskordhow.

An Arloedh re erghis erbynn Kanan

dhe dhistrui hy hastylli.

12Ev a leveris, Ny lowenhydh byth moy,

a wyrghes arweskys myrgh Sidon;

sav, treus dhe Kyprus;

ynwedh ena ny vydh powes dhis.

13Mirewgh orth pow an Kaldeanys; nyns yns i pobel na fella; Assyria a'n destnas rag goedhviles. I a dhrehevis aga thouryow-esedhva, ha destryppya aga palesyow, ha'y wul magor.

14Kynewgh, gorholyon Tarshish,

rag agas skons yw gwastys.

15Y'n jydh na Tyr a vydh ankevys deg ha tri-ugens blydhen, kepar ha dydhyow unn myghtern. Orth diwedh tri-ugens blydhen y hwyrvydh dhe Tyr kepar ha'n gan a-dro dhe'n hora:

16Tann sowtri,

ke a-dro dhe'n sita,

ty hora ankevys;

son daffar kerdyn yn ta,

kan kanow pals,

rag may fi kovhes.

17Orth diwedh tri-ugens blydhen, an Arloedh a visit Tyr. Hi a dhehwel dh'y gober, ha gul horyans gans oll gwlaskordhow an bys war enep an nor. 18Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.