Selwyans Sion a Dheu

1Rag Sion ny dawav vy,

ha rag Yerusalem ny vydhav kosel

bys pan a hy ewnder yn-mes avel golewder

ha'y selwyans avel faglenn ow flammya.

2An kenedhlow a wel dha ewnder,

hag oll myghternedh dha glori,

Ty a vydh gelwys gans hanow nowydh

a wra ganow an Arloedh y fastya.

3Ha ty a vydh kurun a dekter yn leuv an Arloedh,

ha diadem ryel yn dorn dha Dhuw.

4Ny vydhydh gelwys Forsakys62:4 Forsakys: Ebrow Azuba. na fella,

na ny vydh dha dir gelwys Difeythys62:4 Difeythys: Ebrow Shemama. byth moy;

rag ty a vydh gelwys Ynni ow Delit,62:4 Ynni ow Delit: Ebrow Hefsiba.

ha'th tiredh Demmedhys62:4 Demmedhys: Ebrow Beula.;

rag an Arloedh a'n jeves delit ynnos,

ha'th tiredh a vydh demmedhys.

5Rag kepar dell wra gour yowynk demmedhi gwyrghes,

yndella dha vebyon a'th temmedh;

ha kepar dell wra gour pries lowenhe y'n venyn bries,

yndella y hwra dha Dhuw lowenhe ynnos.

6War dha fosow, A Yerusalem,

my re settyas goelyadoryon;

oll an jydh hag oll an nos

nevra ny dewons.

Hwi neb a with an Arloedh yn kov

na vedhes taw dhywgh,

7ha na rewgh powes dhodho

bys pan fastyo ha settya Yerusalem

avel gormola y'n norvys.

8An Arloedh re dos ren y vregh dhyghow

ha re vregh y nerth:

Ny rov dha reun arta

avel boes rag dha eskerens,

ha ny yv mebyon estren dha win nowydh

a lavursys ragdho;

9mes an re a'n mys a'n deber,

ha gormel an Arloedh;

ha'n re a'n kuntell a'n yv

yn klosyow ow sentri.

10Tremenewgh, tremenewgh der an yetys,

pareusewgh fordh rag an bobel;

drehevewgh, drehevewgh an fordh-veur,

klerhewgh dhe-ves an meyn,

drehevewgh baner rag an poblow.

11Otta, an Arloedh re dherivas

dhe benn an norvys:

Leverewgh dhe vyrgh Sion,

‘Otta, dha selwyans a dheu;

otta yma y wober ganso,

ha'y attal a-ragdho.’

12I a vydh gelwys, ‘An bobel sans,

An re dasprenys gans an Arloedh’;

ha ty a vydh gelwys Hwilys,

Sita Nag yw Forsakys.