An Taves

1Na vedhewgh meur ahanowgh dyskadoryon, ow breder. Hwi a woer ni, an dhyskadoryon dhe dhegemmeres breus poessa. 2Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh. 3Mar korryn3:3 Mar korryn: War-lergh re a'n dornskrifow Otta, ni a worr. fronn yn ganow margh may fo ev gostydh dhyn ni, y gorf dien ynwedh a lewyn ni. 4Mirewgh orth an gorholyon ynwedh. Mar vras kyn fons i ha herdhys gans gwynsow krev, lewys yns i gans lew pur vyghan ple fo ervirys gans an lewyader. 5Yndella an taves ynwedh yw esel byghan hag a vost taklow bras.

Otta, ass yw byghan an tan, hag ass yw bras an koes a vydh leskys ganso! 6Ha tan yw an taves, norvys kammhynseth. Settys yw an taves yn mysk agan eseli, ow mostya an korf dien hag ynflammya an ros a vewnans, ow kavoes y dan dhiworth ifarn. 7Pub eghenn a vest hag edhen, a bryv ha bestes morek yw dovhes ha re beu dovhes gans mab-den, 8mes an taves ny yll denvyth y dhovhe. Droktra direwl yw, leun a wenon marwel. 9Ganso ev, ni a vennik an Arloedh ha Tas3:9 an Arloedh ha Tas: War-lergh re a'n dornskrifow Duw ha'n Tas., ha ganso ev ni a volleth mab-den yw gwrys war-lergh hevelep Duw. 10Yn-mes a'n keth ganow y teu ha bennath ha molleth. Nyns yw gwiw, ow breder, an taklow ma dhe hwarvos yndella. 11A dhyllo fenten dowr yr ha hwerow yn-mes a'n keth toll? 12A yll figbrenn, ow breder, ri greun olew, po gwinbrenn ri figys? Ynwedh ny yll fenten hoelan ri dowr yr.3:12 Ynwedh ny yll fenten hoelan ri dowr yr: War-lergh re a'n dornskrifow Yndella ny yll fenten vyth gul dowr hoelan hag yr. 13Piw yntredhowgh yw fur ha skentel? Der y gonversashyon da, diskwedhes ev y wriansow yn uvelder furneth. 14Mes mars eus avi hwerow ha strivyans genowgh yn agas kolonn, na wrewgh bostya, na gowleverel erbynn an gwir. 15Nyns yw hemma furneth a dhiyskynn a-wartha, mes a'n bys, anspyrysel, dyowlek yw. 16Le may ma avi ha strivyans yma deray ha pub drogober. 17Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri. 18Ha frut ewnder yw hesys yn kres rag an re a wra kres.