Duw hag Idolyow

1Klewewgh an ger a gews an Arloedhdhywgh, A ji Ysrael. 2Yndellma y lever an Arloedh:

Na dhyskewgh fordh an kenedhlow,

ha na vedhewgh digolonnek orth toknys nev;

rag an kenedhlow yw digolonnek orta.

3Rag ordenansow an bobel yw euver:

gwydhenn a'n goeswik yw treghys,

gweyth leuv an ser, gans an voel.

4I a's takel gans arghans ha gans owr;

i a's takk gans kentrow ha gans mortholow

ma na yll gwaya.

5Yth yns avel boekka yn gwel kukumbrow,

ha ny yllons kewsel:

res yw dhedha bos degys

rag ny yllons kerdhes.

Na vedhewgh ownek dhedha;

rag ny yllons gul drog,

na nyns eus ynna dhe wul da.

6Rag nyns eus nagonan avelos A Arloedh,

ty yw meur, ha'th hanow yw meur y alloes.

7Piw ny berth own ahanas, A Vyghtern an kenedhlow?

Rag henn yw an pyth a dhegoedh dhis:

yn mysk tus fur an kenedhlow,

hag yn oll aga gwlaskordhow,

nyns eus nagonan haval dhis.

8Mes i yw ha gokki ha foll;

dyskans idolys a brenn yw euveredh.

9Arghans mortholys yw dres a-dhiworth Tarshish,

hag owr a-dhiworth Ufaz,

gweyth an ser, hag a dhiwleuv an teudher;

glas ha purpur yw aga gwisk:

gweyth an seri sleygh yns.

10Mes an Arloedh yw gwir Dhuw,

ev yw an Duw bew, ha myghtern heb diwedh:

orth y sorr an norvys a gren,

ha ny yll an kenedhlow perthi y sorrvann.

11Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.10:11 An wers ma yw skrifys yn Aramaek.

12Ev yw neb a wrug an nor der y nerth,

ev re fondyas an nor der y furneth

hag ystynn an nevow der y dhoethter.

13Orth son y lev, yma tervans dowrow y'n nevow,

hag ev a wra niwlow dhe yskynna a bennow an norvys;

ev a wra lughes gans glaw,

ha dri yn-rag gwynsow a'y dresorvaow.

14Pubonan yw gokki ha heb skians:

pub teudher a gemmer meth a'y imaj gravys;

rag y imaj teudhys yw fals,

ha nyns eus anall ynna.

15Euver yns, pythow skornys:

yn termyn aga hessydhyans i a dhe goll.

16Nyns yw rann Yakob avella:

rag ev yw formyer pup-tra

hag Ysrael yw gwelenn y eretons:

Arloedh an luyow yw y hanow.

An Divroedh ow Tos

17Kuntell dha wara a'n dor,

ty neb usi trigys yn-dann omsettyans.

18Rag yndellma y lever an Arloedh:

Otta, my a wra tewlel yn-mes annedhysi an tir

y'n termyn ma,

ha'ga arvedh,

ma'n kevons yn hwir.

19Go-vy a'm pystik!

Ow goli yw ankensi:

mes my a leveris, Yn hwir hemm yw ow duwon,

ha res yw dhymm y berthi.

20Ow thylda yw diswrys,

hag oll ow herdyn yw terrys:

ow fleghes yw gyllys ahanav,

ha nyns esons namoy:

nyns eus nagonan dhe lesa ow thylda namoy,

na dhe sevel ow kroglennow.

21Rag an vugeledh yw gokki,

ha ny hwilsons an Arloedh;

rakhenna ny sewenons

hag oll aga flokkys a vydh skattrys.

22Otta, son nowodhow ow tos:

ha freudh meur yn-mes a dir an gogledh,

dhe wul sitys Yuda ynyal,

ha fow owrgeun.

23A Arloedh, my a woer nag yw fordh den yn-dann y rewl y honan:

ny yll gour marwel, dell gerdh, gidya y gammow.

24A Arloedh, gwra ow heredhi, mes gans breus;

Na'n gwra yn dha sorr, ma na'm drylli dhe dravyth.

25Dinew dha gonnar war an kenedhlow na'th aswonnons,

ha war an teyluyow na elow war dha hanow:

rag i re dhevoryas Yakob;

i re'n devoryas ha'y gowldhybri,

ha gul dh'y annedh bos ynyal.