Hanania a Brofoes Koedh Babylon

1Hag y'n keth vlydhen na, yn dalleth reyn Sedekia myghtern Yuda, y'n peswora blydhen, hag y'n pympes mis, Hanania mab Azzur an profoes, neb a veu a-dhiworth Gibeon, a gewsis dhymm yn chi an Arloedh yn lok an oferysi ha'n bobel oll, ow leverel, 2‘Yndellma y lever Arloedh an luyow, Duw Ysrael: My re dorras yew myghtern Babylon. 3A-ji dhe dhiw vlydhen my a dhaskorr dhe'n tyller ma oll lestri chi an Arloedh, a wrug Nebukadnessar myghtern Babylon aga hemmeres dhe Babylon yn-mes a'n tyller ma ha'ga doen dhe Babylon. 4Ha my a dhaskorr arta dhe'n tyller ma Yekonia mab Yehoyakim myghtern Yuda, hag oll an dhivresow a Yuda hag eth dhe Babylon, yn-medh an Arloedh, rag my a derr yew myghtern Babylon.’

5Ena Yeremia an profoes a gewsis dhe Hanania an profoes yn lok an oferysi hag oll an bobel oll ow sevel yn chi an Arloedh; 6ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma. 7Mes goslow lemmyn an ger ma a gowsav y'th klewans hag yn klewans an bobel oll: 8An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla. 9An profoes a brofoes kres, pan dheu ger an profoes dhe vos gwir, ena y fydh aswonnys an profoes, ev dhe vos dannvenys yn gwir gans an Arloedh.’

10Ena Hanania an profoes a gemmeras an yew a-dhiworth gwarr Yeremia an profoes ha'y therri. 11Ha Hanania a gewsis yn lok oll an bobel, ow leverel, ‘Yndellma y lever an Arloedh: Yndellma my a derr yew Nebukadnessar myghtern Babylon a-dhiworth gwarr oll an kenedhlow a-ji dhe dhiw vlydhen.’ Ha Yeremia an profoes eth war y fordh.

12Ena ger an Arloedh a dheuth dhe Yeremia an profoes wosa Hanania an profoes dhe derri an yew a-dhiworth gwarr Yeremia an profoes, ow leverel: 13Ke ha kews dhe Hanania, ow leverel, Yndellma y lever an Arloedh: Ty re dorras yewow prenn; mes yn aga le ty a wra yewow horn. 14Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh. 15Ena an profoes Yeremia an profoes a leveris dhe Hanania an profoes, Goslow, Hanania, ny'th dannvonas an Arloedh, mes ty a wra an bobel ma dhe fydhya yn gow. 16Ytho yndellma y lever an Arloedh: My a'th tewl a-dhiworth enep an nor. An vlydhen ma ty a verow, drefenn ty dhe dhyski rebellyans erbynn an Arloedh.

17Ytho, Hanania an profoes a verwis y'n keth vlydhen y'n seythves mis.