Messaj dhe Baruk

1An ger a gewsis Yeremia an profoes dhe Baruk mab Neria, pan skrifas an geryow ma yn rol-skrifa a-dhiworth ganow Yeremia, y'n peswora blydhen a Yehoyakim mab Yosia myghtern Yuda: 2Yndellma y lever an Arloedh, Duw Ysrael, orthis A Baruk: 3Ty a leveris, ‘Go-vy! An Arloedh re geworras ahwer dhe'm dolor; difygys ov gans ow hanasa, ha ny gavav powes.’ 4Yndellma y leverydh dhodho, ‘Yndellma y lever an Arloedh: Otta, my a dhistru an pyth a dhrehevis, ha diwreydhya an pyth a blensis – henn yw, an tir oll. 5Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’