Rol an Vyghternedh a Veu Fethys

1Ytho an re ma yw myghternedh an tir, neb a wrug an Ysraelysi aga gweskel, ha kemmeres yn perghennogeth aga thir dres an Yordan troha'n howldrevel, dhiworth nans Arnon dhe venydh Hermon, hag oll an Araba troha'n howldrevel : 2Sihon myghtern an Amorysi, trigys yn Heshbon; ev a rewlyas dhiworth Aroer, usi war lann nans Arnon, dhiworth kres an keynres, ha war hanter Gilead, bys yn nans Yabbok, or an Ammonysi; 3ha'n Araba bys yn mor Kinnereth troha'n howldrevel, ha bys yn mor an Araba, Mor an Hoelan, troha'n howldrevel, an fordh dhe Beth-yeshimoth, ha dhiworth Teman, yn-dann ledrow Pisga. 4Or Og myghtern Bashan, onan a remenant an Refaim, trigys yn Ashtaroth hag yn Edrei; 5ev a rewlyas war venydh Hermon, Saleka, hag oll Bashan, bys yn or an Geshurysi ha'n Maakathysi, ha hanter Gilead, or Sihon myghtern Heshbon. 6Moyses, gwas an Arloedh, ha'n Ysraelysi a's gweskis; ha Moyses gwas an Arloedh a'n ros avel eretons dhe'n Rewbenysi, an Gadysi ha'n hanter-loeth Manasse.

7An re ma yw myghternedh an tir fethys gans Yoshua ha'n Ysraelysi dres an Yordan troha'n howlsedhes, dhiworth Baal-gad yn nans Lebanon bys yn menydh Halak, a omdhrehav war-tu Seir. Yoshua a ros an tir ma dhe loethow Ysrael avel eretons war-lergh aga rannow, 8y'n vro venydhyek, y'n Shefela, y'n Araba, y'n ledrow, y'n gwylvos, hag y'n Negeb; tir an Hittysi, an Amorysi, an Kananysi, an Perizzysi, an Hivysi, ha'n Yebusysi: 9myghtern Yeriko, onan; myghtern Ay, ogas dhe Bethel, onan; 10myghtern Yerusalem, onan; myghtern Hebron, onan; 11myghtern Yarmuth, onan; myghtern Lakish, onan; 12myghtern Eglon, onan; myghtern Gezer, onan; 13myghtern Debir, onan; myghtern Geder, onan; 14myghtern Horma, onan; myghtern Arad, onan; 15myghtern Libna, onan; myghtern Adullam, onan; 16myghtern Makkeda, onan; myghtern Bethel, onan; 17myghtern Tappuagh, onan; myghtern Hefer, onan; 18myghtern Afek, onan; myghtern Lasharon, onan; 19myghtern Madon, onan; myghtern Hasor, onan; 20myghtern Shimron-meron, onan; myghtern Akshaf, onan; 21myghtern Taanak, onan; myghtern Megiddo, onan; 22myghtern Kedesh, onan; myghtern Yokneam yn Karmel, onan; 23myghtern Dor yn Nafath-dor, onan; myghtern Goyim yn Galile,12:23 Galile: Ow siwya an Septuagint. Ebrow Gilgal. onan; 24myghtern Tirsa, onan; oll an myghternedh unnek warn ugens.