Eretons Simeon

1Ha'n nessa koelbrenn a dheuth yn-mes rag Simeon, dhe loeth an Simeonysi war-lergh aga theyluyow; yth esa aga eretons yn kres loeth mebyon Yuda. 2Yth esa dhedha yn aga eretons Beer-sheba, Sheba, Molada, 3Hasar-shual, Bala, Asem, 4Eltolad, Bethul, Horma, 5Siklag, Beth-markaboth, Hasar-susa, 6Beth-lebaoth, ha Sharuhen: trydhek sita gans aga godrevow; 7Ayn, Rimmon, Ether, hag Ashan: peder sita gans aga godrevow, 8war-barth gans oll an godrevow usi yn kyrghynn an sitys ma bys yn Baalath-beer, Ramath-negeb. Hemm o eretons loeth an Simeonysi war-lergh aga theyluyow. 9Eretons an Simeonysi o rann a eretons mebyon Yuda, rag bos rann mebyon Yuda re vras ragdha. Rakhenna an Simeonysi a eritas rann a-berth yn eretons Yuda.

Eretons Zebulun

10An tressa koelbrenn a dheuth yn-bann rag mebyon Zebulun war-lergh aga theyluyow. Or aga eretons a ystynnas bys yn Sarid.19:10 Sarid: Po amendyans Shadud; ynwedh yn gwers 12. 11Aga or eth troha'n howlsedhes bys Marala, hag a dochyas Dabbesheth, hag ena an nans usi a-dal Yokneam. 12Hi a dreylyas dhiworth Sarid troha'n howldrevel bys or Kisloth-tabor, hag alena hi eth yn-mes dhe Daberath, hag ena bys Yafia. 13Alena hi dremenas dhe'n howldrevel bys Gath-hefer hag Itta-kasin, ha mos yn-mes dhe Rimmon, ow treylya troha Nea. 14Ena or an gledhbarth a dreylyas dhe Hannathon, hag yth esa hy diwedh yn nans Yftagh-el. 15Kattath, Nahalal, Shimron, Ydala, ha Bethlehem: dewdhek sita gans aga godrevow. 16Hemm yw eretons mebyon Zebulun war-lergh aga theyluyow, an sitys ma gans aga godrevow.

Eretons Yssakar

17An peswora koelbrenn a dheuth yn-mes rag mebyon Yssakar war-lergh aga theyluyow. 18Yth esa aga or troha Yezreel, Kesulloth, Shunem, 19Hafaraym, Shion, Anaharath, 20Rabbith, Kishyon, Ebes, 21Remeth, En-gannim, En-hadda, Beth-passes. 22An or a dochyas Tabor, Shahasuma, ha Beth-shemesh, ha diwedh aga or o an Yordan: hwetek sita gans aga godrevow. 23Hemm yw eretons loeth mebyon Yssakar war-lergh aga theyluyow, an sitys gans aga godrevow.

Eretons Asher

24An pympes koelbrenn a dheuth yn-mes rag loeth mebyon Asher war-lergh aga theyluyow. 25Aga or o Helkath, Hali, Beten, Akshaf, 26Alammelek, Amad, ha Mishal; hi a dochyas Karmel troha'n howlsedhes, ha Shihor-libnath. 27Ena hi a dreylyas dhe'n howldrevel, troha Beth-dagon, ha tochya Zebulun, ha nans Yftagh-el a'n barth kledh, Beth-emek ha Neiel; ena hi eth yn-mes dhe Kabul a'n kledh. 28Abdon,19:28 Abdon: Amendys. Ebrow Ebron. Cf. 21:30. Rehob, Hammon ha Kana, bys yn Sidon Meur; 29ena an or a dreylyas dhe Rama, ha dhe'n sita gerys Tyr; ena an or a dreylyas dhe Hosa, hag yth esa hy diwedh a'n howlsedhes Mahaleb, Akzib, 30Umma, Afek, ha Rehob: diw sita warn ugens gans aga godrevow. 31Hemm yw eretons loeth mebyon Asher war-lergh aga theyluyow, an sitys ma gans aga godrevow.

Eretons Naftali

32An hweghves koelbrenn a dheuth yn-mes rag mebyon Naftali war-lergh aga theyluyow. 33Aga or o dhiworth Helef, dhiworth an dherwenn yn Saanannim, hag Adami-nekeb, ha Yabneel, bys yn Lakkum; ha'y diwedh o an Yordan. 34Ena an or a dreylyas troha'n howlsedhes dhe Aznoth-tabor, ha mos yn-mes alena dhe Hukkok, ha tochya Zebulun a'n barth dhyghow, Asher a'n howlsedhes, ha Yuda orth an Yordan a'n howldrevel. 35An sitys kerys o Siddim, Ser, Hammath, Rakkath, Kinnereth, 36Adama, Rama, Hasor, 37Kedesh, Edrei, En-hasor, 38Yiron, Migdal-el, Horem, Beth-anath, ha Beth-shemesh: nownsek sita gans aga godrevow. 39Hemm yw eretons loeth mebyon Naftali war-lergh aga theyluyow, an sitys gans aga godrevow.

Eretons Dan

40An seythves koelbrenn a dheuth yn-mes rag loeth mebyon Dan war-lergh aga theyluyow. 41Or aga eretons o Sora, Eshtaol, Ir-shemesh, 42Shaalabbin, Ayyalon, Ythla, 43Elon, Timna, Ekron, 44Elteke, Gibbethon, Baalath, 45Yehud, Bene-berak, Gath-rimmon, 46Me-yarkon, ha Rakkon orth an or a-dal Yoppa. 47Mes pan gollsons an tiredh ma, an Danysi eth yn-bann hag omladh erbynn Leshem, hag i a's kemmeras, ha'y gweskel gans min an kledha, ha'y erita, ha triga ynni. Dhe Leshem i a ros an hanow Dan war-lergh Dan aga thas. 48Hemm yw eretons loeth mebyon Dan war-lergh aga theyluyow – an sitys gans aga godrevow.

Eretons Yoshua

49Pan gowlwrussens ranna an tir gans y oryon, an Ysraelysi a ros eretons dhe Yoshua mab Nun yn aga mysk. 50War-lergh ger an Arloedh i a ros dhodho an sita a wovynnas, Timnath-seragh yn bro venydhyek Efraym; ev a dhrehevis an sita, ha triga ynni.

51An re ma yw an ertaj a rannas Eleazar an oferyas, ha Yoshua mab Nun ha pennow teyluyow loethow an Ysraelysi rag eretons, ow tewlel prenn yn Shilo a-rag an Arloedh, yn entrans tylda an kuntelles. Yndella i a gowlwrug rannans an tir.