1Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

An Trodreghyans yn Gibeath-haaraloth

2Y'n eur na an Arloedh a leveris dhe Yoshua, ‘Gwra kledhedhyow a flynt ha trodregh an Ysraelysi na veu trodreghys kyns.’5:2 ha trodregh an Ysraelysi na veu trodreghys kyns: Ebrow ha trodregh mebyon Ysrael arta nessa prys. 3Ytho Yoshua a wrug kledhedhyow a flynt, ha trodreghi an Ysraelysi yn Gibeath-haaraloth.5:3 Gibeath-haaraloth: Po Bre an kudhgennow. 4Ha hemm yw prag y hwrug Yoshua aga throdreghi: oll gwer an bobel a dheuth yn-mes a Ejyp, oll an gasoryon, a verwis y'n gwylvos war an fordh wosa i dhe dhos yn-mes a Ejyp. 5Trodreghys via oll an bobel eth yn-mes, mes ny veu trodreghys oll an bobel genys y'n gwylvos war an fordh hag i ow mos yn-mes a Ejyp. 6Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel. 7Ytho ev a dhrehevis aga mebyon yn aga le, an re a wrug Yoshua aga throdreghi, rag na viens trodreghys war an fordh.

8Ena, wosa trodreghyans oll an genedhel dhe vos kowlwrys, i a wortas yn aga thylleryow y'n kamp bys pan vons yagh. 9An Arloedh a leveris dhe Yoshua, ‘Hedhyw my re rolyas meth Ejyp dhiworthowgh.’ Ytho an tyller na re beu henwys Gilgal bys y'n jydh ma.

An Pask yn Gilgal

10An Ysraelysi a gampyas yn Gilgal, hag i a solempnyas an pask yn peswardhegves dydh an mis gorthugherweyth yn plenys Yeriko. 11Y'n jydh wosa an pask i a dhybris askorr an tir, bara heb goell ha greun rostys. 12An manna a sessyas y'n jydh may tyb'sons askorr an tir, ha nyns esa dhe'n Ysraelysi manna namoy; i a dhybris askorr pow Kanan an vlydhen na.

Koedh Yeriko

13Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’ 14Hag ev a leveris, ‘Na, mes my re dheuth lemmyn avel bennsevik lu an Arloedh.’ Ha Yoshua a goedhas dhe'n dor war y fas, ha gordhya, ha leverel dhodho, ‘Pandr'a lever ow Arloedh dh'y was?’ 15Pennsevik lu an Arloedh a leveris dhe Yoshua, ‘Diwisk dha sandalyow a'th treys, rag an tyller may sevydh yw sans.’ Ha Yoshua a wrug yndella.