1Begh ger an Arloedh1:1 Begh ger an ARLOEDH: Po Dargan: Ger an ARLOEDH. dhe Ysrael dre leuv Malaki.

Ysrael Gwell gans Duw es Edom

2My re'gas karas, yn-medh an Arloedh. Mes hwi a lever, ‘Fatell y'gan kersys?’ A ny veu Esaw broder Yakob? yn-medh an Arloedh, Hwath my re garas Yakob, 3mes kasa Esaw, ha treylya y vro venydhyek dhe dhifeyth ha gasa y eretons dhe owrgeun an gwylvos. 4Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys1:4 keredhys: Po milligys. gans an Arloedh bys vykken. 5Agas dewlagas a wel hemma ha hwi a lever, ‘Meur yw an Arloedh, hwath an tu a-ves dhe amal Ysrael!’

Keredh an Oferysi

6Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’ 7Hwi a offrynn war ow alter boes defolys! Mes hwi a lever, ‘Fatell re'th tefolsyn?’ Pan leverowgh hwi moes an Arloedh dhe vos koeg. 8Pan dhrowgh bestes dall dhe sakrifia, a nyns yw henna drog? Pan offrynnowgh evredh ha klav, a nyns yw henna drog? Roy ev dhe'th wovernour! A vydh ev pes da ahanas? A wra dha resseva? yn-medh Arloedh an luyow. 9Lemmyn, ytho, pysewgh war Dhuw1:9 pysewgh war Dhuw: Ebrow diserrewgh fas Duw. may hwrello agan favera. Dhiworth agas leuv yw hemma! A wra ev diskwedhes favour dhe dhenvyth ahanowgh? yn-medh Arloedh an luyow. 10Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv. 11Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow. 12Mes hwi a'n disaker ow leverel, ‘Moes an Arloedh yw defolys, ha'y frut, hy boes, yw dispresys.’ 13Ha hwi a lever, ‘Awotta, ass yw skwithus!’ ha hwi a wra y dhispresya, yn-medh Arloedh an luyow. Pan dhrowgh hwi best ledrys,1:13 ledrys: Po skwardys. hag evredh, ha klav, ha'ga dri avel offrynn, a vynnav aga resseva a'gas diwleuv? yn-medh an Arloedh. 14Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.