Dyskas a-dro dhe Dhidhemmedhyans

Mark 10:1-12

1Ha pan worfennas Yesu an lavarow ma, ev a omdennas a Alile ha dos yn oryon Yudi a'n tu arall dhe'n Yordan. 2Ha routhow bras a'n siwyas hag ev a's yaghhas ena.

3Hag y teuth dhodho Fariseow orth y brevi, hag yn-medhons, ‘Yw lafyl rag den, ev dhe dhidhemmedhi y wreg rag neb skila vytholl?’ 4Hag ev a worthybis ow leverel, ‘A ny wrussowgh redya, neb a's formyas y'n dalleth “dh'aga gul gorreydh ha benynreydh”? 5ha leverel, “Rakhenna y hwra den gasa y das ha'y vamm ha glena orth y wreg ha'n dhew a dheu ha bos unn kig”? 6Ytho nyns yns i na fella dew mes unn kig. Rakhenna an dra a wrug Duw y junya war-barth, den na wres y ranna.’ 7Yn-medhons dhodho, ‘Ytho prag y hworhemmynnis Moyses dhe ri lyther didhemmedhyans ha'y dannvon dhe-ves?’ 8Yn-medh ev dhedha, ‘Moyses a wrug agas gasa dhe dhidhemmedhi agas gwragedh drefenn kaletter agas kolonn, mes ny veu yndella a'n dalleth. 9Ha my a lever dhywgh, piwpynag oll a dhidhemmettho y wreg marnas drefenn dijastita hag ena demmedhi benyn arall, an den na a wra avoutri.’19:9 marnas drefenn dijastita hag ena demmedhi benyn arall, an den na a wra avoutri: War-lergh re a'n dornskrifow marnas drefenn dijastita a wra dhedhi bos avoutres. Hag yn dornskrifow erell dhe dhiwedh an wers yma ha neb a dhemmettho an venyn dhidhemmedhys a wra avoutri. 10Y dhyskyblon a leveris dhodho, ‘Mars yw an kas yndella dhe dhen gans y wreg, gwell yw na dhemmettho.’ 11Mes yn-medh ev dhedha, ‘Ny yll pubonan degemmeres an lavar na, saw an re may fo grontys dhedha. 12Rag yma spadhesigyon a veu genys yndella a-dhia dorr aga mamm, hag yma spadhesigyon a veu spadhys gans tus, hag yma spadhesigyon a spadhsons aga honan a-barth gwlaskor nev. Neb a yll degemmeres hemma, gwres ev y dhegemmeres.’

Yesu a Vennik an Fleghesigow

Mark 10:13-16; Luk 18:15-17

13Ena y feu dres dhodho fleghesigow rag ev dhe worra y dhiwla warnedha ha pysi; mes an dhyskyblon a geredhis an dus. 14Mes Yesu a leveris, ‘Gesewgh an fleghesigow dhe dhos dhymmo ha na wrewgh aga lettya, rag dhe re a'n par ma yw gwlaskor nev.’ 15Ha wosa ev dhe worra y dhiwla warnedha yth omdennas alena.

An Den Rych

Mark 10:17-31; Luk 18:18-30

16Hag awotta, nebonan a dheuth ha leverel dhodho, ‘A Vester, pandr'eus 'vas a wrav vy rag kavoes bewnans heb diwedh?’ 17Yn-medh ev dhodho, ‘Prag y hwovynnydh orthiv a-dro dhe'n dra yw mas? Onan yma neb yw mas.19:17 Prag y hwovynnydh orthiv a-dro dhe'n dra yw mas? Onan yma neb yw mas: War-lergh re a'n dornskrifow Prag y'm gelwydh mas? Nyns eus mas marnas onan, Duw. Mar mynnydh mos a-bervedh y'n bewnans na, gwith an gorhemmynnow.’ 18Yn-medh ev dhodho, ‘Py re?’ Yesu a leveris ‘Na ladh, Na wra avoutri, Na lader, Na dhog kammdhustuni, 19Gwra enora dha das ha'th vamm, ha Kar dha gentrevek avelos ty dha honan.’ 20An den yowynk a leveris, ‘Oll an re ma my re withas, pandra hwath a fyll dhymm?’ 21Yn-medh Yesu dhodho, ‘Mar mynnydh bos perfydh, ke ha gwerth an taklow eus dhis, ha ri dhe'n voghosogyon ha ty a gyv tresor y'n nevow; ha deus dhe'm holya.’ 22Henna pan glewas an den yowynk yth eth trist dhe-ves; rag yth esa dhodho meur a byth an bys. 23Ena Yesu a leveris dh'y dhyskyblon, ‘Yn hwir y lavarav dhywgh, kales vydh dhe dhen rych mones a-bervedh yn gwlaskor nev. 24My a lever dhywgh arta, esya yw kowrvargh dhe dremena dre graw naswydh ages dell yll den rych mones a-bervedh yn gwlaskor Duw.’ 25Pan glewas an dhyskyblon henna, pur sowdhenys ens i, hag yn-medhons, ‘Piw ytho a yll bos selwys?’ 26Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’ 27Ena Peder a worthybis ha leverel dhodho, ‘Otta, ni re asas pup-tra oll ha'th holya; pandr'a vydh ragon ni ytho?’ 28Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael. 29Ha pubonan neb re asas chiow po breder po hwerydh po tas po mamm19:29 po tas po mamm: War-lergh re a'n dornskrifow po tas po mamm po gwreg. po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh. 30Mes lies huni yw kynsa a vydh diwettha, ha'n re dhiwettha kynsa.