Koedh Nineve

1Ev neb a skatter yw devedhys erbynn dha fas.

Gwith an fos,

aspi orth an fordh,

krevha dha dhiwglun,

krevha dha nerth yn feur.2:1 2:1-13 yw niverys 2:2-14 y'n tekst ebrow ha'n Septuagint.

2Rag an Arloedh a dhaskorr arta splannder Yakob,

kepar ha splannder Ysrael;

rag ravnoryon re wrug aga ravna yn tien

ha shyndya aga skyll.

3Skoesow y gasoryon alloesek yw rudhys,

an soudoryon yw gwiskys yn kogh:

an charettow a dhewynn gans dur

y'n jydh may mons i darbarys,

ha sheftys an guwow yw shakys.2:3 ha sheftys an guwow yw shakys: Po amendyans war-lergh an Septuagint ha terlemmel a wra an koursers.

4Resek gwyls a wrons an charettow y'n stretys,

ow fyski a-derdro y'n plenys:

aga semlans yw kepar ha faglennow, poenya a wrons pub tu avel lughesennow.

5Ev a elow y soudoryon dhewisys;

i a drebuch ow kerdhes yn-rag,

i a fysk troha'n fos,

ha'n mantelet yw pareusys.

6Yetys an avonyow yw igerys,

ha'n palys a gren.

7Ordenys yw: hi a vydh divres,

degys dhe-ves,2:7 Ordenys yw: hi a vydh divres: Styr an Ebrow ansertan. Amendyans Hy arloedhes a vydh divres, degys dhe-ves.

ha'y maghtethyon a gyn avel lev kelemmi,

ow kweskel aga bronn.

8Mes Nineve – yma hy dowrow kepar ha poll dowr:

i a fi dhe-ves;

‘Sevewgh, sevewgh’, a grions,

mes ny dreyl denvyth.

9Pyllewgh hwi an arghans,

pyllewgh an owr;

heb fin yw an tresor,

palster a bup-tra desiradow.

10Gwakter, difeyth ha diswrians!

An golonn ow teudhi, dewlin ow trebuchya,

diwglun oll ow krena,

ha pub fas devedhys ha bos diliw!

Lew Assyria dhe Vos distruys

11Ple'ma fow an lewyon,

ha tyller dybri an lewyon yowynk,

le may hwre an lew, an lewes, kerdhes,

ha'n lewik, heb denvyth dhe worra own ynna?

12An lew a skwardyas lowr rag y lewigow,

ha taga rag y lewesow,

ha lenwel a breydh y dell,

ha'y fowys gans kig skwardys.

13Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.