Galar Nineve

1Go-hi an sita woesek!

Hi oll yw leun a wowyow hag a breydh;

ny hedh an pylla.

2Son an hwypp, ha son klattra an rosow;

mergh ow poenya, ha charettow ow lamma;

3an marghek ow kodros,

an kledha ow lughesi, an guw ow terlentri;

niver bras a dus ledhys,

ha kals a garynyes,

korfow diniver;

i a drebuch war aga horfow marow.

4Drefenn3:4 War-lergh an Septuagint gwers 4 a bes dhiworth gwers 3, ha gwers 5 yw lavar nowydh. myns fornikasyon an hora

teg hy semlans, mestres pystri,

neb a werth3:4 neb a werth: Po amendyans neb a vagel. kenedhlow gans hy fornikasyon,

ha teyluyow gans hy fystri, –

5mir, yth esov er dha bynn,

yn-medh Arloedh an luyow,

ha my a dhrehav dha lostennow dres dha fas;

my a dhiskwa dha noethedh dhe'n kenedhlow,

ha'th tisenor dhe'n gwlaskordhow.

6My a dewl mostedhes warnas,

ha'th tespitya,

ha gul ensampel ahanas.

7Hag y hwyrvydh, kemmys neb a vir warnas a blynch dhiworthis, ha leverel,

‘Nineve yw gwastys: piw a wra kyni warnedhi?

A-ble hwilav konfortoryon rygdhi?’3:7 rygdhi: Ow siwya an Septuagint. Ebrow ragos.

Dysk dhiworth Tenkys No-amon

8Osta gwell ages No-amon3:8 No-amon: Thebes yn Ejyp.,

esa desedhys yn mysk an goverow,

gans an dowrow a-dro dhedhi:

neb o an mor hy gwall,

ha'n dowrow3:8 ha'n dowrow: Amendys. Ebrow ha dhiworth an mor hy fos?

9Ethiopia o hy krevder,

hag Ejyp ynwedh, heb diwedh;

Put ha Lybia o dha weresoryon.

10Byttegyns hi ynwedh eth yn divroedh,

hi eth yn kethneth:

ynwedh hy fleghes a veu terrys dhe demmyn

dhe benn an stretys oll:

i a dewlis prenn rag hy thus wordhi,

ha'y thus vras oll a veu kelmys yn kargharow.

11Ty ynwedh a vydh medhow,

ty a omgudh;

ty ynwedh a hwila

skovva dhiworth an eskar.

Euver yw Darbari

12Dha geryow oll a vydh avel figbrennyer

gans aga figys kynsa adhves;

mars yns i shakys, i a goedh

a-berth yn ganow neb a vynn aga dybri.

13Awotta, dha dus a-berth ynnos yw benynes;

igerys a-les dhe'th eskerens yw porthow dha dir,

tan a dhevor barrys dha yetys.

14Tenn dhis dowr rag an omsettyans,

krevha dha geryow;

ke a-bervedh y'n leys,

ha stankya an pri,

krevhe an kowynnow-brykk.

An Lokustes a Nij dhe-ves

15Ena tan a wra dha lenki,

an kledha a wra dha dreghi yn-nans,

ev a'th lenk avel an lokust diaskell.

Bydh niverus kepar ha'n lokust diaskell,

palsha kepar ha'n hes a lokustes!

16Ty re ynkressyas dha varchons

dres ster an nev:

an lokust diaskell a dhiwisk y groghen goth, ha nija dhe-ves.

17Dha withysi3:17 Dha withysi: Po Dha lyswesyon. yw avel an lokust askellek,

ha dha skrifennysi avel hes a lokustes

a gamp y'n keow

yn dydh yeyn,

mes pan vo an howl ow splanna i a nij dhe-ves,

ha denvyth ny woer ple'mons.

18Dha vugeledh a gosk,

A vyghtern Assyria,

hunya a wra dha dus vryntin;

skoellys yw dha bobel war an menydhyow,

ha nyns eus nagonan dh'aga huntell.

19Nyns eus sawment dhe'th pystik,

heb eli yw dha vrew;

myns a glew dha nowodhow

a dak diwla dresos;

rag piw eus, ma na dremenas warnodho

dha dhroktra pub eur oll?