1An re neb a worras aga sel a veu Nehemia an governour, mab Hakalia, ha Sedekia;10:1 10:2 bys 10:39 yw niverys 10:2 bys 10:40 y'n Septuagint. 2Seraya, Azaria, Yeremia, 3Pashhur, Amaria, Malkia, 4Hattush, Shebania, Malluk, 5Harim, Meremoth, Obadia, 6Daniel, Ginnethon, Baruk, 7Meshullam, Abia, Miyamin, 8Maazia, Bilgay, Shemaia; an re ma yw an oferysi. 9Ha'n Levysi: Yeshua mab Azania, Binnuy a vebyon Henadad, Kadmiel; 10ha'ga heskowetha, Shebania, Hodia, Kelita, Pelaya, Hanan, 11Mika, Rehob, Hashabia, 12Zakkur, Sherebia, Shebania arall, 13Hodia, Bani, Beninu. 14Pennow an bobel: Parosh, Pahath-moab, Elam, Zattu, Bani, 15Bunni, Azgad, Bebay, 16Adoniya, Bigvay, Adin, 17Ater, Hezekia, Azzur, 18Hodia, Hashum, Besay, 19Harif, Anathoth, Nebay, 20Magpiash, Meshullam, Hezir, 21Meshezabel, Sadok, Yaddua, 22Pelatia, Hanan, Anaya, 23Hoshea, Hanania, Hasshub, 24Hallohesh, Pilha, Shobek, 25Rehum, Hashabna, Maaseya, 26Ahiya, Hanan arall, Anan, 27Malluk, Harim, ha Baana.

Tekst an Akord

28Remenant an bobel – an oferysi, an Levysi, an borthoryon, an ganoryon, an Nethinim10:28 Nethinim: Kethwesyon an tempel. hag oll re dhibarthas aga honan dhiworth poblow an tiryow rag lagha Duw, aga gwragedh, aga mebyon ha'ga myrghes, peub neb a'n jeves godhvos ha konvedhes – 29a jun gans aga breder an ugheloryon hag omgelmi gans molleth ha ti dhe gerdhes yn lagha Duw a veu res dre Moyses gwas Duw, ha dhe witha ha dhe wul oll gorhemmynnow an Arloedh agan Arloedh ha'y vreusow ha'y ordenansow. 30Ny ren agan myrghes yn demmedhyans dhe boblow an pow, na kemmeres aga myrghes rag agan mebyon; 31ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

32Ynwedh ni a sett warnan agan honan an charj dhe gowlwul an gorhemmynn dhe ri tressa rann a shekel a arghans pub blydhen rag servis chi agan Duw: 33rag bara an wolok, ha'n offrynn greun pub-dydhyek, ha'n offrynn leskys pub-dydhyek, an sabotys, an loeryow nowydh, an goelyow apoyntys, an offrynnow sans, ha'n offrynnow pegh dhe wul dehwelyans rag Ysrael, ha rag oll ober chi agan Duw. 34Hag ynwedh ni re dewlis prenn – an oferysi, an Levysi, ha'n bobel – rag an offrynn keunys, dh'y dhri yn chi agan Duw, herwydh chiow agan tasow, yn termynyow apoyntys, blydhen wosa blydhen, dhe leski war alter an Arloedh agan Duw, dell yw skrifys y'n lagha. 35Ha ni a omgemmer an charj dhe dhri kynsa frut agan dor, ha kynsa frut a oll an frut a bub gwydhenn, blydhen wosa blydhen, dhe ji an Arloedh; 36ynwedh dhe dhri dhe ji agan Duw, dhe'n oferysi neb a serv yn chi agan Duw, an kynsa-genys a'gan mebyon, hag a'gan gwarthek, dell yw skrifys y'n lagha, ha'n kynsa-genys a'gan greow hag a'gan flokkys; 37ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn. 38Hag oferyas, diyskynnys a Aron, a vydh gans an Levysi pan dhegemmerons an degedhow; ha'n Levysi a dhre yn-bann an dega a'n degedhow dhe ji agan Duw, dhe jambouryow an arghow. 39Rag pobel Ysrael ha mebyon Levi a dhre aga hevro a reun, gwin hag oyl dhe'n chambouryow le may ma lestri an sentri, ha'n oferysi neb a serv, ha'n borthoryon ha'n ganoryon. Ny forsakyn chi agan Duw.