Trigoryon Yerusalem

1Yth esa trigys hembrenkysi an bobel yn Yerusalem ha remenant an bobel a dewlis prenn dhe dhewis unn deylu mes a bub deg dhe driga yn Yerusalem, an sita sans, ha'n naw arall yn trevow erell. 2Ha'n bobel a vennigas oll an wer neb a offras aga honan a'ga bodh dhe driga yn Yerusalem.

3An re ma yw hembrenkysi an rannvro esa trigys yn Yerusalem; mes yn sitys Yuda yth esa pubonan trigys yn y berghennogeth y honan yn aga sitys: Ysrael, an oferysi, an Levysi ha'n Nethinim,11:3 Nethinim: Kethwesyon an tempel. ha mebyon servysi Solomon. 4Hag yn Yerusalem yth esa trigys sertan a vebyon Yuda, hag a vebyon Benyamin. A vebyon Yuda: Athaya mab Uzzia mab Zekaria mab Amaria mab Shefatia mab Mahalalel a vebyon Peres; 5ha Maaseya mab Baruk mab Kol-hoze mab Hazaya mab Adaya mab Yoyarib, mab Zekaria mab an Shilonyas. 6Oll mebyon Peres trigys yn Yerusalem o peswar kans eth ha tri-ugens a wer golonnek.

7Ha'n re ma yw mebyon Benyamin: Sallu mab Meshullam mab Yoed mab Pedaya mab Kolaya mab Maaseya mab Ithiel mab Yeshaia. 8Ha war y lergh Gabbay, Sallay,11:8 Ha war y lergh Gabbay, Sallay: Po amendyans ha'y vreder, kasoryon alloesek. naw kans eth warn ugens. 9Ha Yoel mab Zikri o an pennsoedhek ha Yuda mab Hassenua o nessa yn charj a'n sita.

10A'n oferysi: Yedaya mab Yoyarib, Yakin, 11Seraya mab Hilkia mab Meshullam mab Sadok mab Merayoth mab Ahitub, rewler chi Duw, 12ha'ga breder esa ow kul an ober y'n tempel o eth kans dew warn ugens; hag Adaya mab Yeroham, mab Pelalia, mab Amsi, mab Zekaria, mab Pashhur, mab Malkia, 13ha'y vreder, pennow teyluyow, dew kans, dew ha dew-ugens; hag Amashsay mab Azarel, mab Ahzay, mab Meshillemoth, mab Immer, 14ha'ga breder, kasoryon alloesek, kans eth warn ugens ha'ga hembrenkyas o Zabdiel, mab Haggedolim.

15Ynwedh a'n Levysi: Shemaia mab Hasshub mab Azrikam mab Hashabia mab Bunni; 16ha Shabbethay ha Yozabad, a bennow an Levysi, yn charj a'n ober a-ves rag chi Duw, 17ha Mattania mab Mika mab Zabdi mab Asaf, an pennkenyas neb a vedha ow talleth pysadow an grasyans ha Bakbukia an nessa yn mysk y vreder; hag Abda mab Shammua, mab Galal, mab Yeduthun. 18Oll an Levysi y'n sita sans o dew kans peswar ha peswar ugens.

19An borthoryon, Akkub, Talmon ha'ga breder, a witha an porthow, o kans ha dewdhek ha tri ugens. 20Hag yth esa remenant Ysrael a'n oferysi ha'n Levysi, yn oll an trevow a Yuda, pubonan yn y eretons y honan. 21Mes yth esa an Nethinim trigys yn Ofel ha Siha ha Gishpa a'n jeva charj a'n Nethinim.

22Hembrenkyas an Levysi yn Yerusalem o Uzzi mab Bani mab Hashabia mab Mattania mab Mika, a vebyon Asaf, an kanoryon, a'n jevo charj servis an tempel. 23Rag yth esa gorhemmynn dhiworth an myghtern a-dro dhedha hag arghadow ryel rag an ganoryon ow tochya aga deverow a dhydh dhe dhydh. 24Hag yth esa Pethahia mab Meshezabel, a vebyon Zeragh mab Yuda, ryb an myghtern rag y gusulya yn oll materyow a-dro dhe'n bobel.

An Poblans Yedhowek yn-mes Yerusalem

25Hag ow tochya an godrevow, gans aga gwelyow a-derdro, yth esa re a bobel Yuda trigys yn Kiryath-arba ha'y threvow, hag yn Dibon ha'y threvow, hag yn Yekabseel hag yn y godrevow, 26hag yn Yeshua hag yn Molada hag yn Beth-pelet, 27hag yn Hasar-shual, hag yn Beer-sheba ha'y drevow, 28hag yn Siklag, hag yn Mekona ha'y drevow, 29yn En-rimmon, yn Sora, yn Yarmuth, 30Zanoagh, Adullam, ha'ga threvow, yn Lakish hag y welyow a-derdro, yn Azeka ha'y drevow. Ytho i a drigas dhiworth Beer-sheba bys yn nans Hinnom y'n gogledh. 31Mebyon Benyamin a drigas yn Geba, Mikmash, Ayya, Bethel ha'y threvow, 32hag yn Anathoth, Nob, Anania, 33Hasor, Rama, Gittaym, 34Hadid, Seboim, Neballat, 35Lod, hag Ono, nans an greftoryon. 36Ha rann a'n Levysi yn Yuda eth dhe Benyamin.