An Oferysi ha'n Levysi

1Lemmyn an re ma yw an oferysi ha'n Levysi a dheuth yn-bann gans Zerubbabel mab Shealtiel, ha Yeshua: Seraya, Yeremia, Ezra, 2Amaria, Malluk, Hattush, 3Shekania, Rehum, Meremoth, 4Iddo, Ginnethoy, Abia, 5Miyamin, Maadia, Bilga, 6Shemaia, Yoyarib, Yedaya, 7Sallu, Amok, Hilkia, Yedaya. An re ma o hembrenkysi an oferysi ha'ga breder yn dydhyow Yeshua.

8Ha'n Levysi: Yeshua, Binnuy, Kadmiel, Sherebia, Yuda, ha Mattania neb, gans y vreder, o yn charj a ganow an gormola. 9Ha Bakbukia hag Unni ha'ga breder a sevi a-dal dhedha y'n deverow,12:9 a sevi a-dal dhedha y'n deverow: Po esa ow servya peub yn y dorn. Martesen an styr yw kana antifonek. 10Ha Yeshua a dhineythis Yoyakim, Yoyakim a dhineythis Elyashib, hag Elyashib a dhineythis Yoyada, 11ha Yoyada a dhineythis Yonathan, ha Yonathan a dhineythis Yaddua.

12Yn dydhyow Yoyakim, an re ma o pennow an teyluyow oferyasek: a deylu Seraya, Meraya; a Yeremia, Hanania; 13a Ezra, Meshullam; a Amaria, Yehohanan; 14a Malluk, Yonathan; a Shebania, Yosep; 15a Harim, Adna; a Merayoth, Helkay; 16a Iddo, Zekaria; a Ginnethon, Meshullam; 17a Abia, Zikri; a Minyamin, a Moadia, Piltay; 18a Bilga, Shammua; a Shemaia, Yehonathan; 19a Yoyarib, Mattenay; a Yedaya, Uzzi; 20a Sallu, Kallay; a Amok, Eber; 21a Hilkia, Hashabia; a Yedaya, Nethanel.

22Ow tochya an Levysi yn dydhyow Elyashib, Yoyada, Yonathan ha Yaddua, kovskrifys veu pennow teyluyow; ynwedh an oferysi bys yn reyn Darius an Persian. 23Mebyon Levi, pennow teyluyow, a veu kovskrifys yn lyver an Kroniklys, bys yn dydhyow Yonathan mab Elyashib. 24Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw. 25Mattania, Bakbukia, Obadia, Meshullam, Talmon, hag Akkub o porthoryon a witha an gwithvaow ryb an yetow. 26An re ma a veu yn dydhyow Yoyakim mab Yeshua mab Yosadak, hag yn dydhyow Nehemia an governour, hag Ezra an oferyas, an skriba.

Sakrans an Fos

27Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris. 28Mebyon an ganoryon ynwedh a omguntellas war-barth dhiworth an pow a-dro dhe Yerusalem, ha dhiworth trevow an Netofathysi; 29ynwedh dhiworth Beth-gilgal ha dhiworth ranndir Geba hag Azmaveth; rag an ganoryon re dhrehevsa trevow ragdha aga honan a-dro dhe Yerusalem. 30Ha'n oferysi ha'n Levysi a omlanhas aga honan; hag i a lanhas an bobel ha'n yetow ha'n fos.

31Ena my a wrug dhe hembrenkysi Yuda mos yn-bann war an fos hag a apoyntyas dew vagas bras a ganoryon dhe wodhvos gras. Onan eth dhe'n dyghow war an fos dhe Yet an Kawgh; 32ha war aga lergh eth Hoshaia ha hanter hembrenkysi Yuda, 33hag Azaria, Ezra, Meshullam, 34Yuda, Benyamin, Shemaia ha Yeremia, 35ha sertan a vebyon an oferysi gans hirgern: henn yw, Zekaria mab Yonathan, mab Shemaia, mab Mattania, mab Mikaya, mab Zakkur, mab Asaf; 36ha'y vreder, Shemaia, Azarel, Milalay, Gilalay, Maay, Nethanel, Yuda, ha Hanani, gans daffar menestrouthi Davydh, gour Duw; hag Ezra an skriba eth a-ragdha. 37Orth Yet an Fenten, a-dheragdha, i eth yn-bann war grisyow sita Davydh, orth an fordh-yskynna dhe'n fos, a-ugh chi Davydh, bys yn Yet an Dowr dhe'n est.

38An bagas arall esa ow ri grasyans eth dhe'n barth kledh, ha my a's siwyas gans hanter an bobel war an fos, a-ugh Tour an Fornow, dhe'n Fos Ledan; 39hag a-ugh Yet Efraym, ha ryb an Yet Koth, ha ryb Yet an Puskes ha Tour Hananel ha Tour an Kans, dhe Yet an Deves; hag i a hedhis orth Yet an Withysi. 40An dhew vagas esa ow ri grasyans a gemmeras aga tylleryow yn chi Duw, ha my ha hanter an hembrenkysi genev; 41ha'n oferysi Elyakim, Maaseya, Minyamin, Mikaya, Elyoenay, Zekaria, ha Hanania, gans hirgern; 42ha Maaseya, Shemaia, Eleazar, Uzzi, Yehohanan, Malkia, Elam, hag Ezer. Ha'n ganoryon a ganas yn ughel gans Yezraghya avel aga hembrenkyas. 43Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Taklow rag an Oferysi ha'n Levysi

44Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

45I a wrug deverow aga Duw ha deverow glanheans dell wrug an ganoryon ha'n borthoryon herwydh gorhemmynn Davydh ha'y vab Solomon. 46Rag yn dydhyow Davydh hag Asaf nans yw pell, yth esa chyf an ganoryon, hag yth esa kanow gormola ha grasyans dhe Dhuw. 47Hag yn dydhyow Zerubbabel hag yn dydhyow Nehemia oll Ysrael a ri rannow dydhyek rag an ganoryon ha'n borthoryon; hag i a worras a-denewen an rann rag an Levysi erell, ha'n Levysi a worras a-denewen an rann rag mebyon Aron.