Henwyn an Weythoryon

1Ena Elyashib an arghoferyas ha'y vreder an oferysi a dhallathas oberi hag i a dhrehevis Yet an Deves. I a's sakras hag a dhesedhas hy darasow; ha bys yn Tour an Kans, i a's sakras, bys yn Tour Hananel. 2Ha nessa dhodho, gwer Yeriko a dhrehevis. Ha nessa dhodho, Zakkur mab Imri a dhrehevis.

3Yet an Puskes a veu dastrehevys gans mebyon Hassenaa a worras ynwedh hy jistys ha desedha hy darasow, hy ebilyer, ha'y barrys. 4Nessa dhedha Meremoth mab Uria mab Hakkos a wrug ewnheansow. Ha nessa dhedha Meshullam mab Berekia mab Meshezabel a wrug ewnheansow. Ha nessa dhodho Sadok mab Baana a wrug ewnheansow. 5Nessa dhedha an Tekoysi a wrug ewnheansow; mes ny worras aga ugheloryon aga diwskoedh dhe ober aga mestrysi.

6An Yet Koth3:6 An Yet Koth: Po Yet an Yeshana. a veu ewnhes gans Yoyada mab Paseagh ha Meshullam mab Besodia. I a worras hy jistys ha desedha hy darasow, hy ebilyer, ha'y barrys. 7Nessa dhedha ewnheansow a veu gwrys gans Melatia an Gibeonyas ha Yadon an Meronothyas war-barth ha gwer Gibeon ha gwer Mispa, esa yn-dann arloettys governour an rannvro Dres-an-Avon. 8Nessa dhodho Uzziel mab Harhaya, onan a'n owroryon, ha nessa dhodho Hanania, onan a gemmyskoryon oynment, a wrug ewnheansow. I a dhaswrug Yerusalem bys y'n Fos Ledan. 9Nessa dhedha Refaya mab Hur, rewler a hanter-ranndir a Yerusalem, a wrug ewnheansow. 10Ha nessa dhodho, Yedaya, mab Harumaf, a wrug ewnheansow a-dal y ji; ha Hattush mab Hashabneya a wrug ewnheansow nessa dhodho. 11Malkia mab Harim ha Hasshub mab Pahath-moab a ewnhas tregh arall ha Tour an Fornow. 12Nessa dhodho, Shallum mab Hallohesh, rewler a hanter ranndir Yerusalem, a wrug ewnheansow gans gweres y vyrghes.

13Yet an Nans a veu ewnhes gans Hanun ha trigoryon Zanoagh. I a's dastrehevis ha desedha hy darasow, hy ebilyer, ha'y barrys. Ynwedh i a ewnhas mil gevelin a'n fos bys yn Yet an Kawgh.

14Yet an Kawgh a veu ewnhes gans Malkia, mab Rekab, an rewler a ranndir Beth-hakkerem. Ev a's dastrehevis ha desedha hy darasow, hy ebilyer, ha'y barrys.

15Yet an Fenten a veu ewnhes gans Shallun mab Kol-hoze, an rewler a ranndir Mispa. Ev a's dastrehevis, hy hudha, ha desedha hy darasow, hy ebilyer, ha'y barrys. Ynwedh ev a ewnhas an fos a boll Shelagh ryb lowarth an myghtern, bys y'n grisyow a dheu yn-nans dhiworth Sita Davydh. 16War y lergh, Nehemia mab Azbuk, an rewler a hanter ranndir Beth-sur, a wrug ewnheansow bys yn tyller a-dal bedhow Davydh, bys y'n poll gwrys dre leuv ha chi an gasoryon. 17War y lergh, an Levysi a wrug ewnheansow: Rehum mab Bani, ha nessa dhodho Hashabia an rewler a hanter ranndir Keila, a wrug ewnheansow rag y ranndir. 18War y lergh an ewnheansow a veu gwrys gans aga breder: Binnuy mab Henadad, rewler a'n hanter ranndir arall a Keila. 19Nessa dhodho, Ezer mab Yeshua, rewler Mispa, a ewnhas tregh arall, dhiworth an tyller a-dal an fordh-yskynna dhe'n withva-arvow orth an elin. 20War y lergh Baruk mab Zabbay a ewnhas tregh arall dhiworth an elin dhe entrans chi Elyashib an arghoferyas. 21War y lergh Meremoth mab Uria mab Hakkos a ewnhas tregh arall dhiworth entrans chi Elyashib, ha bys yn diwedh chi Elyashib. 22War y lergh an ewnheansow a veu gwrys gans an oferysi dhiworth an pow a-derdro. 23War y lergh Benyamin ha Hasshub a wrug ewnheansow a-dal aga chi; ha war y lergh Azaria mab Maaseya mab Anania a wrug ewnheansow ryb y ji. 24War y lergh Binnuy mab Henadad a ewnhas tregh arall, dhiworth chi Azaria dhe'n elin ha dhe'n gornell, 25ha Palal mab Uzay a oberis dhiworth an tyller a-dal an elin ha'n tour a valek mes a ji gwartha an myghtern ogas dhe glos an gwithysi. War y lergh Pedaya mab Parosh, 26ha'n Nethinim,3:26 Nethinim: kethwesyon an tempel. trigys yn Ofel, a ewnhas bys yn tyller a-dal Yet an Dowr troha'n howldrevel, ha'n tour balek. 27War aga lergh an Tekoysi a ewnhas tregh arall dhiworth an tyller a-dal an tour balek meur bys yn fos Ofel.

28Dhiworth tyller a-ugh Yet an Margh, an oferysi a wrug ewnheansow, pub huni a-dal y ji y honan. 29War aga lergh Sadok mab Immer a wrug ewnheansow a-dal y ji y honan. War y lergh Shemaia mab Shekania, an gwithyas orth Yet an Est a wrug ewnheansow. 30War y lergh Hanania mab Shelemia ha Hanun, hweghves mab Salaf a ewnhas tregh arall. War y lergh Meshullam mab Berekia a wrug ewnheansow a-dal y roum. 31War y lergh, Malkia, onan a'n owroryon a wrug ewnheansow bys yn chi an Nethinim ha'n wikoryon, a-dal Yet an Kuntellyans, ha bys y'n chambour a-ugh an gornell. 32Hag yntra an chambour a-ugh an gornell ha Yet an Deves an owroryon ha'n wikoryon a wrug ewnheansow.