Berrskrif a Gerdhow Ysrael wosa Gasa Ejyp

1An re ma yw kerdhow mebyon Ysrael, pan ethons yn-mes a bow Ejyp herwydh aga luyow yn-dann leuv Moyses hag Aron. 2Moyses a skrifas oll aga diberthvaow dre worhemmynn an Arloedh; ha'n re ma yw aga herdhow war-lergh aga diberthvaow. 3I eth yn-kerdh a-dhiworth Rameses y'n kynsa mis, y'n pymthegves dydh a'n kynsa mis; y'n jydh wosa an pask mebyon Ysrael eth yn-mes gans leuv ughel yn golok an Ejyptianys oll, 4ha'n Ejyptianys owth ynkleudhyas pub kynsa-genys, re bia gweskys yn aga mysk gans an Arloedh; war aga duwow ynwedh an Arloedh a wrug breusow.

5Ytho mebyon Ysrael eth yn-kerdh a-dhiworth Rameses, ha kampya yn Sukkoth. 6Hag i eth yn-kerdh a-dhiworth Sukkoth, ha kampya yn Etham, usi war amal an gwylvos. 7Hag i eth yn-kerdh a-dhiworth Etham ha treylya war-dhelergh dhe Pihahiroth, usi a'n howldrevel dhe Baal-sefon; hag i a gampyas a-rag Migdol. 8Hag i eth yn-kerdh a-dhiworth Hahiroth, ha tremena dres mysk an mor bys y'n gwylvos, hag i eth yn hyns a dri dydh yn gwylvos Etham, ha kampya yn Mara. 9Hag i eth yn-kerdh a-dhiworth Mara, ha dos dhe Elim; dhe Elim yth esa dewdhek fenten dhowr ha deg palmwydhenn ha tri-ugens, hag i a gampyas ena. 10Hag i eth yn-kerdh a-dhiworth Elim ha kampya ryb an Mor Rudh. 11Hag i eth yn-kerdh a-dhiworth an Mor Rudh, ha kampya yn gwylvos Sin. 12Hag i eth yn-kerdh a-dhiworth gwylvos Sin ha kampya yn Dofka. 13Hag i eth yn-kerdh a-dhiworth Dofka, ha kampya yn Alush. 14Hag i eth yn-kerdh a-dhiworth Alush, ha kampya yn Refidim le nag esa dowr dhe eva dhe'n bobel. 15Hag i eth yn-kerdh a-dhiworth Refidim, ha kampya yn gwylvos Sinay. 16Hag i eth yn-kerdh a-dhiworth gwylvos Sinay, ha kampya yn Kibroth-hattaava. 17Hag i eth yn-kerdh a-dhiworth Kibroth-hattaava, ha kampya yn Haseroth. 18Hag i eth yn-kerdh a-dhiworth Haseroth, ha kampya yn Rithma. 19Hag i eth yn-kerdh a-dhiworth Rithma, ha kampya yn Rimmon-peres. 20Hag i eth yn-kerdh a-dhiworth Rimmon-peres, ha kampya yn Libna. 21Hag i eth yn-kerdh a-dhiworth Libna, ha kampya yn Rissa. 22Hag i eth yn-kerdh a-dhiworth Rissa, ha kampya yn Kehelatha. 23Hag i eth yn-kerdh a-dhiworth Kehelatha, ha kampya war venydh Shefer. 24Hag i eth yn-kerdh a-dhiworth menydh Shefer, ha kampya yn Harada. 25Hag i eth yn-kerdh a-dhiworth Harada, ha kampya yn Makheloth. 26Hag i eth yn-kerdh a-dhiworth Makheloth, ha kampya yn Tahath. 27Hag i eth yn-kerdh a-dhiworth Tahath, ha kampya yn Teragh. 28Hag i eth yn-kerdh a-dhiworth Teragh, ha kampya yn Mithka. 29Hag i eth yn-kerdh a-dhiworth Mithka, ha kampya yn Hashmona. 30Hag i eth yn-kerdh a-dhiworth Hashmona, ha kampya yn Moseroth. 31Hag i eth yn-kerdh a-dhiworth Moseroth, ha kampya yn Bene-yaakan. 32Hag i eth yn-kerdh a-dhiworth Bene-yaakan, ha kampya yn Hor-haggidgad. 33Hag i eth yn-kerdh a-dhiworth Hor-haggidgad, ha kampya yn Yotbatha. 34Hag i eth yn-kerdh a-dhiworth Yotbatha, ha kampya yn Abrona. 35Hag i eth yn-kerdh a-dhiworth Abrona, ha kampya yn Esyon-geber. 36Hag i eth yn-kerdh a-dhiworth Esyon-geber, ha kampya yn gwylvos Sin (henn yw, Kadesh). 37Hag i eth yn-kerdh a-dhiworth Kadesh, ha kampya yn menydh Hor, war amal pow Edom.

38Hag Aron an oferyas a yskynnas menydh Hor orth gorhemmynn an Arloedh, hag a verwis ena, y'n dew-ugensves blydhen wosa mebyon Ysrael dhe dhos yn-mes a bow Ejyp, y'n kynsa dydh a'n pympes mis. 39Hag Aron a'n jeva kans bloedh ha dew warn ugens pan verwis war venydh Hor.

40Ha'n Kananyas, myghtern Arad, esa trigys y'n Negeb yn pow Kanan, a glewas a dhevedhyans mebyon Ysrael.

41Hag i eth yn-kerdh a-dhiworth menydh Hor, ha kampya yn Salmona. 42Hag i eth yn-kerdh a-dhiworth Salmona, ha kampya yn Punon. 43Hag i eth yn-kerdh a-dhiworth Punon, ha kampya yn Oboth. 44Hag i eth yn-kerdh a-dhiworth Oboth, ha kampya yn Iye-abarim, yn tiredh Moab. 45Hag i eth yn-kerdh a-dhiworth Iyim, ha kampya yn Dibon-gad. 46Hag i eth yn-kerdh a-dhiworth Dibon-gad, ha kampya yn Almon-diblathaym. 47Hag i eth yn-kerdh a-dhiworth Almon-diblathaym, ha kampya yn menydhyow Abarim, a-dherag Nebo. 48Hag i eth yn-kerdh a-dhiworth menydhyow Abarim, ha kampya yn plenys Moab ryb Yordan a-dal Yeriko; 49i a gampyas ryb an Yordan a-dhiworth Beth-yeshimoth bys yn Abel-shittim yn plenys Moab.

50Ha'n Arloedh a leveris dhe Moyses yn plenys Moab ryb Yordan a-dal Yeriko: 51Kows orth mebyon Ysrael ha lever dhedha: Pan dremenowgh dres an Yordan bys yn pow Kanan, 52ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel; 53ha hwi a gemmer an tir yn perghennogeth ha triga ynno, rag my re ros an tir dhywgh dh'y berghenna. 54Hwi a wra ranna an tir rag eretons gans tewlel prenn herwydh agas teyluyow; dhe loeth bras hwi a re eretons bras, ha dhe loeth byghan hwi a re eretons byghan; dhe neb a goettho an prenn, henna a vydh dhodho; herwydh loethow agas tasow hwi a wra herya. 55Mes mar ny fesyowgh trigoryon an tir a-dheragowgh, ena an re anedha a esowgh dhe wortos a vydh avel dreyn yn agas lagasow ha pigow yn agas tenwennow, hag i a'gas trobel y'n tir may fydhydh trigys. 56Ha my a wra dhywgh hwi par dell dybis gul dhedha i.