Sitys an Levysi

1An Arloedh a leveris dhe Moyses, yn plenys Moab ryb Yordan a-dal Yeriko: 2Gorhemmynn dhe vebyon Ysrael, may rollons dhe'n Levysi, a-dhiworth eretons aga ferghennogeth, sitys dhe driga ynna; ha hwi a re dhe'n Levysi peurvaow a-dro dhe'n sitys. 3An sitys a vydh dhedha dhe driga ynna, aga feurvaow a vydh dh'aga gwarthek ha'ga chatel ha rag oll aga bestes. 4Peurvaow an sitys, a rewgh dhe'n Levysi, a wra ystynn a-dhiworth fos an sita mil gevelin oll a-dro. 5Ha hwi a wra musura, yn-mes a'n sita, rag an est dew vil gevelin, ha rag an dhyghowbarth dew vil gevelin, ha rag an howlsedhes dew vil gevelin, ha rag an gledhbarth dew vil gevelin, ha'n sita y'n kres; hemma a vydh dhedha avel peurva rag aga sitys.

6Hag a'n sitys a rewgh dhe'n Levysi y fydh hwegh sita meneghi, may hyll an denledhyas fia dhedha, ha keffrys ha'n re ma hwi a re diw sita ha dew-ugens. 7Oll an sitys a rewgh dhe'n Levysi a vydh eth ha dew-ugens, gans aga feurvaow. 8An sitys a rewgh a vydh a-dhiworth perghennogeth mebyon Ysrael; a'n loethow brassa, hwi a wra kemmeres lies, hag a'n loethow byghanna hwi a gemmer boghes; peub, yn kemusur dhe'n eretons a her, a re a'y sitys dhe'n Levysi.

Sitys Meneghi

9Ha'n Arloedh a leveris dhe Moyses: 10Lavar dhe vebyon Ysrael, Pan dremenowgh dres an Yordan bys yn pow Kanan, 11ena ty a dhewis sitys dhe vos sitys meneghi ragowgh, may fio di an denledhyas neb a lattho heb mynnas. 12I a vydh sitys meneghi dhywgh a-dhiworth an dialor, ma na varwo an denledhyas bys pan sev a-rag an kuntelles rag breus.

13Ha'n sitys a rewgh a vydh agas hwegh sita meneghi. 14Hwi a re hwegh sita a'n tu arall dhe'n Yordan, ha teyr sita yn pow Kanan, dhe vos sitys meneghi. 15An hwegh sita ma a vydh meneghi rag mebyon Ysrael, ha rag an alyon ha rag an godriger yntredha, may fio di neb a ladh den pynag heb mynnas.

Laghys a-dro dhe Voldrans ha Dial-goes

16Mes mara'n gweskis gans daffar a horn, may ferwis, ev yw moldrer; an moldrer a vydh gorrys dhe'n mernans. 17Ha mara'n gweskis gans men y'n dhorn, dredho may hallo den merwel, hag ev a verwis, ev yw moldrer; an moldrer a vydh gorrys dhe'n mernans. 18Po mara'n gweskis gans arv a brenn, dredho may hallo den merwel, hag ev a verwis, ev yw moldrer; an moldrer a vydh gorrys dhe'n mernans. 19An dialor-goes y honan a wra gorra an moldrer dhe'n mernans; pan dheu er y bynn, ev a wra y worra dhe'n mernans. 20Ha mara'n gwanas gans kas, po tewlel orto, ow kontrewaytya, may ferwis, 21po yn eskarogeth ev a'n gweskis gans y dhorn, may ferwis, ena neb a'n gweskis a vydh gorrys dhe'n mernans; ev yw moldrer; an dialor-goes a wra gorra an moldrer dhe'n mernans, pan dheu er y bynn.

22Mes mara'n gwanas distowgh heb eskarogeth, po tewlel neppyth warnodho heb kontrewaytya, 23po devnydhya men, dredho may farwo den, ha heb ev dh'y weles, may ferwis, kyn nag o y eskar, ha ny hwilas y bystik; 24ena an kuntelles a wra breusi ynter an denledhyas ha'n dialor-goes, herwydh an ordenansow ma; 25ha'n kuntelles a wra sawya an denledhyas a-dhiworth dorn an dialor-goes, ha'n kuntelles a wra y dhaskorra dh'y sita veneghi, ple fisa, hag ev a vydh trigys ynni bys vernans an arghoferyas a veu untys gans an oyl sans. 26Mes mars ello an denledhyas dhe dermyn pynag tu a-ves dhe oryon y sita veneghi ple fias, 27ha'n dialor-goes dh'y gavoes tu a-ves dhe oryon y sita veneghi, ha'n dialor-goes dhe ladha an denledhyas, ny vydh kablus a woes. 28Rag ev a dal gortos yn y sita veneghi bys vernans an arghoferyas; mes wosa mernans an arghoferyas an denledhyas a yll dehweles dhe dir y berghennogeth.

29Ha'n taklow ma a vydh ordenans a vreus dhywgh der agas henedhow yn oll agas annedhow. 30Mar lattho neb den, an moldrer a vydh gorrys dhe'n mernans war dhustuni dustunioryon; mes ny vydh denvyth gorrys dhe'n mernans war dhustuni unn dustunier. 31Ha moy, ny dhegemmerowgh daspren rag bewnans moldrer, yw kablus a vernans; mes ev a vydh gorrys dhe'n mernans. 32Ha ny dhegemmerowgh daspren vyth rag ev neb re fias dh'y sita veneghi, may hallo dehweles dhe driga y'n tir kyns es mernans an oferyas. 33Ny dal dhywgh defola an tir mayth esowgh trigys; rag goes a dhefol an tir, ha ny yll prenedh vyth bos gwrys rag an tir, drefenn an goes yw skoellys ynno, marnas der an goes a neb a'n skoellyas. 34Ny wrewgh defola an tir may fydhowgh trigys, mayth esov trigys yn kres anodho, rag yth esov vy an Arloedh trigys yn mysk mebyon Ysrael.